Kurdistanmedia: Di dema sala borî de ku erdhej hat,  hejmarek hevwelatî bûne qurbanî, û niha hatina erdhejan di Kurdistanê de, bi awayekî berdewam çê dibin.

Êvariya roja Yekşemî, 21`ê Xezelwera 1396`an, demjmêr 10 şevê, li bajarê Kirmaşanê,  erdhejek li  Êzgile  û Serpêla Zehaw çê bû, û ev erdheja bi qasekî mezin û bihêz bû ku, çendîn welatên  herama Rojhilata Navîn jî hîs bi vê erdhejê kiribûn.

Navenda vê erdhejê  li Serpêla Zehawê bûye, û di vê herêmê de xesareke zêde li pey xwe aniye, û  herwisa di çendîn bajarên din yên derdorê yên wekî Îlam û Kirmaşan, Ciwanro û Şadab û Qesra Şîrîn û Kirind û Selas, û … hwd, zirarên madî û canî li pey xwe hebûye.

Wê demê pêka amarên serekî di bajarên parêzgeha Kirmaşanê de, zêdeyî 200 kuştî û nêzîkî 2 hezar û 600 kesên din jî birîndar bibûn.

Piştî derbazbûna wê erdhejê, bi awayekî berdewam erdhejan gund û bajarên Kurdistanê hejandine, û şeva Yekşemî rêkefta 4`ê  Sermaweza 1397`an (26`ê Çiriya Paşîn) jî,  dîsan erdhejeke din li Kurdistana Rojhilat de çê bûye, û bi sedema bihêzbûna vê erdhejê zirareke xuya a canî û malî ji hevwelatiyan ketiye, û hejmarek hevwelatî jî birîndar bûne.

Navenda erdhejnasiya cîhanî navenda hatina vê erdhejê, parêzgeha Kirmaşana girêdayî Kurdistana Rojhilat ragehandiye.

Navenda erdhejnasiya cîhanî, asta bihêzbûna vê erdhejê  6.3 rîştêr ragehandiye.

Hevwelatî û hin karnasên warê erdhejnasiyê, li ser vê baweriyên e ku, hatina van erdhejan di Kurdistanê de, ayasyî nîne.