كۆچی‌ دوایی‌ پێشمه‌رگه‌یه‌كی‌ دێرینی‌ حیزب له‌ نۆدشه‌

13-04-1387

كوردستان میدیا ـ ناوه‌ندی‌ خه‌به‌ری‌: شه‌وی‌ 11 له‌سه‌ر 12ی‌ پووشپه‌ڕی‌ 1387، خاڵۆ جه‌عفه‌ر شه‌بره‌ندی‌، خه‌ڵكی‌ نۆدشه‌ له‌ ته‌مه‌ن 70 ساڵیدا به‌هۆی‌ نه‌خۆشی‌یه‌وه‌ كۆچی‌ دوایی‌ كرد.
ناوبراو له‌ ساڵی‌ 1357ه‌وه‌ تا 1371 پێشمه‌رگه‌ی‌ PDKI بووه‌‌و له‌ زۆربه‌ی‌ شه‌ڕه‌كانی‌ ناوچه‌ی‌ هه‌وراماندا دژی‌ رێژیمی‌ سه‌ركوتكه‌ری‌ ئاخووندی‌ چالاكانه‌ به‌شداریی‌ كردووه‌‌و له‌و شه‌ڕانه‌دا دوو جار بریندار‌و به‌م هۆیه‌وه‌ كه‌مئه‌ندام بووه‌.
ناوبراو به‌هۆی‌ نه‌خۆشی‌‌و چوونه‌سه‌ری‌ ته‌مه‌نه‌وه‌ له‌سه‌ر مۆڵه‌تی‌ حیزب گه‌ڕابۆوه‌ نێو بنه‌ماڵه‌كه‌ی‌.
خاڵۆ جه‌عفه‌ر شه‌بره‌ندی‌ تا دواساته‌كانی‌ ژیانی‌ به‌ رێبازی‌ حیزب‌و گه‌له‌كه‌ی‌ وه‌فادار بوو.
به‌م بۆنه‌یه‌وه‌ پرسه‌‌و سه‌ره‌خۆشیی‌ خۆمان به‌ بنه‌ماڵه‌‌و كه‌س‌و كاری‌ خاڵۆ جه‌عفه‌ر شه‌بره‌ندی‌ راده‌گه‌یه‌نین.
رۆحی‌ شاد‌و رێگای‌ پڕڕێبوار بێ‌.