ناڕه‌زایه‌تیی‌ هه‌زاران كرێكاری‌ بیناسازیی‌ سنه‌ له‌ له‌سه‌ره‌وه‌بوونی‌ خه‌رجی‌ بیمه‌ی‌ كۆمه‌ڵایه‌تی‌

15-04-1387

كوردستان میدیا: زیاتر له‌ 3 هه‌زار كرێكاری‌ بیناسازیی‌ سنه‌ ناڕه‌زایه‌تییان له‌ له‌سه‌ره‌وه‌بوونی‌ خه‌رجی‌ بیمه‌ی‌ كۆمه‌ڵایه‌تی‌ ده‌ربڕی‌.
به‌پێی‌ راپۆرتی‌ "پارسیان نیوز"، ئێقباڵ‌ ره‌زایی‌، چالاكی‌ كرێكاری‌ له‌ كوردستان له‌م پێوه‌ندییه‌دا رایگه‌یاند، به‌هۆی‌ له‌سه‌ره‌وه‌ بوونی‌ خه‌رجی‌ بیمه‌ی‌ كۆمه‌ڵایه‌تی‌‌و له‌ خواره‌وه‌بوونی‌ مووچه‌ی‌ كرێكاره‌كانی‌ بیناسازی‌، زیاتر له‌ 90 له‌ سه‌دی‌ ئه‌و كرێكارانه‌ ناتوانن خه‌رجی‌ بیمه‌ی‌ كۆمه‌ڵایه‌تی‌ دابین بكه‌ن.
به‌ وته‌ی‌ ناوبراو گرانیی‌ نرخی‌ بیمه‌ی‌ كۆمه‌ڵایه‌تی‌، كرێكاره‌كان‌و بنه‌ماڵه‌كانیانی‌ تووشی‌ قه‌یران كردووه‌‌و به‌م هۆیه‌وه‌ داهاتوویه‌كی‌ تاریك له‌به‌ر ده‌میاندایه‌.
ئێقباڵ‌ ره‌زایی‌، هه‌روه‌ها وتی‌: پشتیوانی‌ نه‌كردرنی‌ ده‌وڵه‌ت له‌ كرێكارانی‌ بیناسازی‌‌و به‌ڕێوه‌نه‌بردنی‌ داخوازییه‌ یاسایی‌یه‌كانی‌ كرێكاران بۆ كه‌مكردنه‌وه‌ی‌ خه‌رجی‌ بیمه‌، زیانی‌ قه‌ره‌بوونه‌كراوی‌ تووشی‌ ئه‌و توێژه‌ هه‌ژارو ده‌ستكورته‌ كردووه‌.