رۆژنامه‌ڤانێكی‌ كورد ده‌ستبه‌سه‌ر كرا

15-04-1387

كوردستان میدیا: رۆژنامه‌ڤانێكی‌ كور به‌ناوی‌ "سدیق مینایی‌" پاش سه‌ردانی‌ لقی‌ 4ی‌ لێپرسینه‌وه‌ی‌ دادگۆسته‌ریی‌ سنه‌ ده‌ستبه‌سه‌ر كرا.
ئاژانسی‌ خه‌به‌ریی‌ موكریان، وێڕای‌ راگه‌یاندنی‌ ئه‌م هه‌واڵه‌ نووسی‌ ناوبراو به‌ ته‌بلیغ دژی‌ نیزام (رێژیم)‌و پێوه‌ندی‌ له‌ته‌ك راگه‌یه‌نه‌كانی‌ له‌ روانگه‌ی‌ رێژیمه‌وه‌ "دژه‌شۆڕش"دا‌و... تۆمه‌تبار كراوه‌.
به‌پێی‌ سه‌رچاوه‌كه‌ سدیق مینایی‌، له‌گه‌ڵ‌ رۆژنامه‌ی‌ داخراوی‌ "ئاسۆ"دا هاوكاری‌ كردووه‌. ناوبراو هه‌روه‌ها پێشتر به‌ تۆمه‌تی‌ "بڵاوكردنه‌وه‌ی‌ درۆ" به‌ دانی‌ 2 میلیۆن تمه‌ن مه‌حكووم كراوه‌ به‌ڵام ده‌وترێ‌ ئه‌م حوكمه‌ له‌لایه‌ن دادگای‌ پێداچوونه‌وه‌وه‌ بۆ دوو ساڵ‌ زیندان گۆڕدراوه‌.