ئاگادارییه‌ك له‌ ره‌وشی‌ به‌ندكراوێكی‌ كامیارانی‌ نیه‌

15-04-1387

كوردستان میدیا: به‌پێی‌ هه‌واڵی‌ ئاژانسی‌ خه‌به‌ریی‌ موكریان، به‌ندكراوێك به‌ناوی‌ "شه‌مسوڵڵا شادی‌"، چه‌ند رۆژ له‌مه‌وبه‌ر له‌ به‌ندیخانه‌ی‌ سنه‌وه‌ بۆ شوێنێكی‌ ناڕوون راگوێزراوه‌‌و تا ئێستا ئاگادرییه‌ك له‌ ره‌وشی‌ ناوبراو نیه‌.
به‌پێی‌ سه‌رچاوه‌كه‌ شه‌مسوڵڵا شادی‌، نزیكه‌ی‌ 6 مانگ له‌مه‌وپێش به‌ تۆمه‌تی‌ هاوكاری‌ له‌ته‌ك حیزبێكی‌ دژبه‌ری‌ رێژیمدا له‌ لایه‌ن هێزه‌ ئه‌منییه‌تییه‌كانی‌ رێژیمه‌وه‌ ده‌ستبه‌سه‌ر كراو بۆ به‌ندیخانه‌ی‌ سنه‌ راگوێزرا.
بنه‌ماڵه‌ی‌ ئه‌م به‌ندكراوه‌ كامیارانییه‌ به‌هۆی‌ نائاگاداری‌ له‌ شوێنی‌ راگیرانی‌ ناوبراو‌و ره‌وشی‌ ته‌ندروستیی‌ نیگه‌رنن.