2009-06-30

Kurdistanmedia: Hejmara cudabûnê li parêzgeha Kurdistanê a Rojhilatê Kurdistanê jorde çûye, bi awayekê ku sala borî di warê cudabûnê de, parêzgeha Kurdistanê li Îranê xwediyê pileya duyem bûye.
Li gor rapora Nûçegihaniya Komara Îslamî a Îranê(IRNA), Serheng Îbrahîm Kazimînijad, Cîgirê Civakî yê hêzên Întizamî ên parêzgeha Kurdistanê, roja duşem, 29’ê Hezîrana 2009’an, di yekem civîna karê girûpa xatûnan û malbatên parêzgeha Kurdistanê de serbarê ragihandina vê nûçeyê got: “Hejmara cudabûnê di sala borî de %15/15 bûye ku li hember sala pêştir de %1/30 zêdetir bûye.
Navhatî her wiha got ku zêdetirîn radeya cudabûnê di sala borî de, li bajarê Sine %22/41 û kêmtirîn rade jî li bajarê Dîwandere %9/24 bûye.
Serheng Îbrahîm Kazimînijad bi îşarekirin bi lêkolînan, sedema

jordeçûna hejmara cudabûnê li parêzgeha Kurdistanê, pêkanîna jiyana hevbeş bi awayeê şaş, amadenebûn ji bo pêkanîna jiyana hevbeş, xemsarî li hember têgihîştina cendekî û seksî û aborî û li hemûyan girîngtir balnedan bi soz û evîndariyê da zanîn.
Navhatî di beşeke din a axavtina xwe de got: “Hejmara cudabûnê di sala borî de li bajarên Seqiz, Bane û Merîwanê, bi rêz %17, %14/74 û %13/94 bûye ku li hember sala pêştir kêmtir nîşan dide, lê li bajarên Qurwe %11/7, Bîcar %11/8 û Dîwandere %9/34 bûye ku li hember sala pêştir zêdetir bûye.
Îbrahîm Kazimînijad her wiha hejmara xwekujiyê li parêzgeha Kurdistanê bi jiyanên civakî ên din hesiband û got: “Li parêzgeha Kurdistanê li gor rewşa welat û berevajî navgîniya cîhanê, hejmara ew jinên ku xwe dikujin li mêran zêdetir e.