2009-07-02

Kurdistanmedia: Saziya Komîsariyaya Bilind a Neteweyên Yekbûyî dixwaze bi qewlên derew, koçberên Kurd ên Rojhilata Kurdistanê ku heyamekê girev girtibûn, bixapîne.
Çend heftiyan berî niha koçberên Kurd ên Rojhilata Kurdistanê ku di navbera sînorên Îraq-Ordonê(Kampa Elkerame) de ne, bi sedema pejirandina biryara vegerandina wan ji bo Herêma Kurdistanê, ji aliyê Hukûmeta Îraqê ve, nerazîbûna xwe nîşan dan û 12 kes ji wan dest dane gireva nerazîbûnê.
Girevgirtina wan koçberan, givaş xiste ser Saziya Neteweyên Yekbûyî û saziya han dest da xapandina wan koçberan, bi wayekê ku kesên girevgirtî, dev ji gireva xwe berdin.
Saziya Neteweyên Yekbûyî tevî 11 xwedî faylan ku 48 kes bûn, lihev ht û ragihand ku piştî veguhastina wan ji bo Kampa Elwelîd, dê wan ji bo welatê sêhem bişînin û koçberên din ku zêdetirî 134 kesan dibin, dê vegerine bo Kampa Kawe li Herêma Kurdistanê.
Lê koçberan bi rêya pêwendîgirtin tevî çendîn alî û kesayetiyên cur bi cur karîn ku ji pilana UN,ê haydar bin û ragihandin ku heya şandina wan bo welatê sêhem, dê li ser

daxwaziyên xwe pêdagir bin.
Hêjayî gotinê ye ku nêzîkî 5 rojan e ku koçberek bi navê Riza Ezîzî, careke din dest daye gireva birçîbûnê û ragihandiye ku heya rizgarbûn ji wê rewşê û şandina wî bo welatê sêhem, dê gireva xwe bidomîne.
Koçberê han di vê derbarê de nameyek ji bo Kerîm Sencarî, Wezîrê Hundir yê Herêma Kurdistanê û Newzad Hadî, Parêzgarê Hewlêrê şandiye.