2009-07-02

Kurdistanmedia: Komek ji çalakên sivîl ên bajarê Serdeştê bi hinceta 22hemîn salvegera karesata kimiyabarana bajarê Serdeştê, daxuyaniyeke rexnegirane derkirin.
22 salan berî niha rejîma Bees a Îraqê, bajarê Serdeştê kimiyabaran kir û di wê cinayeta dijîmirovî de zêdetirî 100 kes ji xelkê bêtawan û welatiyên sivîl hatin kuştin û bi hezaran kes jî birîndar bûn, bi wayekê ku piştî derbasbûna 22 salan, hêj bandora vê karesatê li ser xelkê Serdeşt û derdorê diyar e.
Di daxûyaniya wan çalakên sivîl de serbarê îşarekirin bi yasaya qedexebûna mifahwergirtin ji çekên kimiyayî û biolijîkî, hatiye: “Piştî 22 salan derbasbûn ji wê karesatê, derheq

pêdeçûna huqûqî, li Dadgehên Navneteweyî hewleke wiha nehatiye dan û her wiha ji bo qerebûkirina ziyanên madî û meenewî yên wê karesatê, hewil nehatiye dan”.
Di beşeke din a daxûyaniyê dehatiye: “Berpirsên organên dewletî bi xemsarî ji çavnihêrîkirin û pêşîgirtin ji çalakiya rêxistinên sivîl û kesayetiyên bawerpêkirî ên xelkê Serdeştê, derfeta birêveçûna her cure rêzgirtinekê ji goriyan girtiye”. Her wiha di beşeke din a daxûyaniyê de îşare bi xemsariya çalakên sivîl û civatên nedewletî û xemsariya taqimên cur bi cur ên xelkê Serdeştê di vê derbarê de hatiye kirin.
Çalakên sivîl ên Serdeştê ragihandine ku “Em komek ji paşmayî û goriyên karesata kimiyabaranê Serdeştê û çalakên Sivîl, serbarê mehkûmkirina wê karesatê û rêzgirtin ji xwîna şehîdan û her wiha awata aştiya cîgir û cîhaneke dûr ji çekên mîkrolojî û komkujiyî, daxwaza baldan û hewildana berpirsên têkildar li hember wan xwestekane ne û bala xelkê cîhanê bo aliyê wan radikişînin:
1. Anîne berbasa dosyaya kimiyabarana bajarê Serdeştê di dadgehên xwedîselahiyet de û anîne berbasa giliyê di Dîwana Navneteweyî a Dadperweriyê “ICJ” bi armanca qerebûkirina ziyanên madî û meenewî.
2. Bi baldan bi bêbeşbûna rêjeyî a bajarê Serdeştê û her wiha nebûna îmkanat û darêtina bernameyên bibandor derheq pirsgirêkên birîndarên kimiyabaranê, daxwaza balkişandina taybet û bilez a berpirsên têkildar bi rewşa tendurustî, paqijî û dermana birîndarên wê karesatê dikin.
3. Bi balkişandin bi kûrahiya wê karesata dijîmirovî û hestyarbûna pirsgirêkê, bi pêdegirî daxwazê ji berpirs û civatên berpirsiyar dikin ku li hember birêvebirina salveger û rê û resma girîng û pêdeçûn bi ser qewlên berpirsan di salên borî de, dûr ji her cure guman û kêmkariyê, dikin.
4. Pêdiviya damezirandina Navenda Lêkolînên Zanistî bi armanca berfirehtirkirina kiryarên zanistî derheq çekên kimiyayî û encamên bikaranîna çekên kimiyayî.
5. Pêdiviya balkişandin û hesta welatiyên Serdeştê bi birêveçûna rê û resm û rêzgirtin ji xwîna şehîdan û goriyên karesata 7ê Pûşperê.