کوردستان میدیا

پێنجشەممه 28ی پووشپەڕ 2718
ماڵپەڕی ناوەندیی حیزبی دێموکراتی کوردستانی ئێران

باوکی شه‌هیدێکی رێگای رزگاریی کوردستان له‌ ناوچه‌ی پیرانشار کۆچی دوایی کرد

18:03 - 3 جۆزەردان 2712

کوردستان میدیا: باوکی شه‌هیدێکی رێگای رزگاریی کوردستان لە ناوچه‌ی پیرانشار له ته‌مه‌نی ٨١ ساڵیدا کۆچی دوایی کرد.


به‌پێی هه‌واڵی گه‌یشتوو به ماڵپه‌ڕی کوردستان میدیا، رێکه‌وتی ٢٩ی بانه‌مه‌ڕی ١٣٩١ی هه‌تاوی، مام قادر باد فیرووزی باوکی شه‌هید عه‌لی قادری خه‌ڵکی گوندی هه‌نگه‌وێی سه‌ربه‌ شاری پیرانشار، له‌ ته‌مه‌نی ٨١ ساڵیدا کۆچی دوایی کرد.
شه‌هید عه‌لی قادری له‌ رێکه‌وتی١٢/٠٣/١٣٦٦ی هه‌تاوی له‌ به‌ربه‌ره‌کانێیه‌کی قاره‌مانانه‌دا له‌ گوندی یاقووشی سه‌ر به‌ ناوچه‌ی نه‌ڵێنی پیرانشار به‌ ده‌ست هێزه‌کانی رێژیمی ئیسلامیی ئێران شه‌هید کرا.
حیزبی دێمۆکراتی کوردستانی ئێران به‌ بۆنه‌ی کۆچی دوایی مام قادر سه‌ره‌خۆشیی گه‌رمی خۆی ئاراسته‌ی بنه‌ماڵه ‌‌و که‌س ‌و کاری ناوبراو ده‌کات ‌و خۆی به‌شه‌ریک ‌و به‌شداری خه‌میان ده‌زانێت.
رۆحی شاد
راگەیەنەکانی حیزبی دێمۆکراتی کوردستانی ئێران