کوردستان میدیا

چوارشەممه 27ی پووشپەڕ 2718
ماڵپەڕی ناوەندیی حیزبی دێموکراتی کوردستانی ئێران

باوکی شەهیدێکی ڕێگای رزگاریی کوردستان کۆچی دوایی کرد

17:02 - 1 خەزەڵوەر 2716

کوردستان میدیا: مام عەلی پایانی ناسراو به عەلی هەیبی باوکی شەهیدێکی ڕێگای رزگاریی کوردستان لە شاری پیرانشار ماڵئاوایی له ژیان کرد.

بەپێی هەواڵی گەیشتوو بە ماڵپەڕی کوردستان میدیا، ڕۆژی هەینی ڕێکەوتی ٣٠ی ڕەزبەری ١٣٩٥ی هەتاوی، مام عەلی پایانی باوكی شه‌هید خدر پایانی ناسراو به خدر قەڵاتی كادری خوشناو و قاره‌مانی حیزبی دێموكراتی كوردستانی ئیران له تەمەنی٧٠ ساڵیدا کۆچی دوایی کرد.

شەهید خدر پایانی ناسراو به خدر قەڵاتی ساڵی١٣٤٠ی هەتاوی، له گوندی قەڵاتی پیرانشار له دایک بوو، ناوبراو پێشمەرگه و کادری دەرەجه ٤ی حیزبی دێموکراتی کوردستانی ئێران بوو که ڕێکه وتی ١٤ی خەرمانانی ١٣٧٠ی هەتاوی، له شەڕێکی قارەمانانەدا له باوه شەهید بوو و گڵکۆکەی له گوندی قەڵاته.

حیزبی دێموکراتی کوردستانی ئێران سەرەخۆشی له بنەماڵه وخزم و کەس و کاری ناوبراو دەکات وخۆی به شەریکی خەمیان دەزانێت.