کوردستان میدیا

شەممه 30ی پووشپەڕ 2718
ماڵپەڕی ناوەندیی حیزبی دێموکراتی کوردستانی ئێران

باوكی‌ شه‌هیدێك‌ و پێشمه‌رگه‌یه‌كی‌ حیزب كۆچی‌ دوایی‌ كرد

16:33 - 5 رەزبەر 2716

کوردستان میدیا: كه‌سایه‌تی ناسراوی‌ ناوچه‌ی‌ چۆمی‌ مه‌جیدخان، ئه‌حمه‌د عومه‌ربیل، باوكی‌ شه‌هید جه‌عفه‌ر عومه‌ربیل ‌و باوكی‌ پێشمه‌رگه‌یه‌كی‌ حیزب به‌ناوی‌ مه‌نسوور عومه‌ربیل، کۆچی دوایی کرد.

بەپێی هەواڵی گەیشتوو بە ماڵپەڕی کوردستان میدیا؛ ڕێکەوتی ٣ی‌ ره‌زبه‌ری‌ ١٣٩٥ی‌ هه‌تاوی‌، له‌ گوندی‌ سه‌رچنار (كه‌ڵبه‌ڕه‌زاخان)، ئەحمەد عومەربیل، کەسایەتی نیشتمان پەروەر و ناسراوی ناوچەی چۆمی مەجیدخان به‌هۆی‌ پیری‌‌و نه‌خۆشییه‌وه‌ له‌ ته‌مه‌نی‌ ٨٠ ساڵی‌دا كۆچی‌ دوایی‌ كرد.

تەرمی ناوبراو لەنێو ئاپۆرای خه‌ڵكی ناوچه‌كه ‌‌و شاره‌كانی‌ دیكه‌ هەر لە گوندی سەرچنار به‌ خاكی‌ پیرۆزی‌ كوردستانان ئەسپێردرا.

حیزبی دێموکراتی کوردستانی ئیران، پرسه و سەرەخۆشیی خۆی له بنەماڵه و خزم و کەسوکاری ناوبراو دەکات و خۆی به شەریکی خەمیان دەزانێت.