کوردستان میدیا

یەکشەممە 28ی رەزبەر 2719
ماڵپەڕی ناوەندیی حیزبی دێموکراتی کوردستانی ئێران

بنەماڵەی شەهیدان پەیمان لەگەڵ ڕێبازی قاسملوو نوێ دەکەنەوە

13:40 - 21 پووشپەڕ 2719

کوردستان میدیا: بنەماڵەی شەهیدان "شەهاب حەیدەری" و "هەژار ڕەزایی"، بە بۆنەی سیهەمین ساڵیادی تێرۆری دوکتور عەبدولڕەحمان قاسملوو و هاوڕێیانی، پەیامێکیان بڵاو کردەوە.

دەقی پەیامەکە بەم چەشنەیە:

شەهیدەکانمان، بە چڵی برینی ۲۲ی پووشپەڕەوە، جامانەی شکۆی خەباتیان لە ڕێبازی قاسملووی مەزنـدا، لەسەری بەرزی پێشمەرگانەیان پێچا و زایەڵەی بانگەوازی حیزبەکەیان بۆ لێکگرێدانی خەباتی شار و شاخ، لە بەژنی پێدەشت و شاری موکریان ئاڵاند.

"شەهاب و هەژار"، لە زنەی کانیاوی "ڕاسانـ"ـەوە، ڕژانە ڕووباری پووشپەڕەوە تا سەنگێکی تر بخەنە سەر بەهای ئەو ئازادییەی کە قاسملووی شەهید نرخەکەی نووسیبووەوە.

لە ساڵیادی شەهید بوونیاندا و لە ۳۰ ساڵەی زامی قاسملوو لەسەر بەژنی کوردستان، بەڵێن بێت تا سپێدەی ئامانجەکانی ڕاسان، پێشمەرگە بین بۆ ڕێبازیان.