کوردستان میدیا

چوارشەممه 30ی جۆزەردان 2718
ماڵپەڕی ناوەندیی حیزبی دێموکراتی کوردستانی ئێران

بێرنارد هێنری لێڤی: پشت كردن لە کورد ئابڕووبه‌رانه‌یه‌

15:18 - 9 رەزبەر 2717

کوردستان میدیا: بێرنارد هێنری لێڤی فه‌یلسووف و ئاكادیمیستی فه‌ڕانسەیی، پشتیوانی لە سەربەخۆیی کردووە و ڕایگەیاند: كوردستان دەبێتە دووهەم وڵاتی دێموكرات له‌ ناوچه‌كه‌دا و پشتكردن له‌ كورد ئابڕووبه‌رانه‌یه.‌

بێرنارد هێنری لێڤی لە وتووێژێکدا لەگەڵ کاناڵی (CNN) ڕایگەیاندووە، ڕۆژئاوا له ‌هه‌مبه‌ر ڕێفراندۆم بۆ سه‌ربه‌خۆیی کوردستان پشتیوانی له‌ عێراق، توركیه و ئێران ده‌كات كه‌ \'\'ده‌وڵه‌تی دۆڕاو و نادێموكراتیکن\'\' و جه‌خت ده‌كاته‌وه‌، كه‌ كوردستان دەبێتە دووهه‌م ده‌وڵه‌تی دێموكراتیک له‌ ناوچه‌كه‌دا.

لەو وتووێژەدا بێرنارد هێنری لێڤی، له‌ وڵامی به‌رهه‌ڵەستكاریی نێوده‌وڵه‌تی له ‌به‌رانبه‌ر ڕێفراندۆم بۆ سه‌ربه‌خۆیی کوردستان ڕایگه‌یاندووە، \'\'له‌ ڕاستیدا ئه‌مه‌ مایه‌ی نیگه‌رانییه‌، هه‌ڵه‌یه‌كی گه‌وره‌ی حیساباتی ئا‌مریكا و فه‌ڕا‌نسەیه‌ و كوردستان وه‌ک هاوپه‌یمانی باش و سروشتی ده‌ركه‌وتوون، پێشنیاری دێموكراسیی ڕاسته‌قینه‌ش ده‌دەن، كه‌ ده‌بێته دووهه‌م وڵاتی دێموكراتیک له‌ ناوچه‌كه‌دا.

ئه‌و فه‌یلسووفه‌ فه‌ڕا‌نسەییه‌ هه‌روه‌ها گوتی: \'\'له‌ ڕاستیدا ئه‌وه‌ ئابڕوبه‌رانه‌یه‌، هه‌ڵه‌یه‌كی گه‌وره‌ی ڕۆژئاوایه‌. من چەند ڕۆژ پێش‌ وه‌ك چاوەدێرێكی نێوده‌وڵه‌تی به ‌سه‌ر ڕاپرسییه‌كه له‌ هه‌ولێر بووم، ڕاپرسییەكی باش بوو و به ‌گوێره‌ی پێوه‌ره‌ نێوده‌وڵه‌تییه‌كان ئه‌نجام درا، ده‌نگدانێكی دادپه‌روه‌رانه‌ بوو\'\'.

لێڤی لە بەشێکی دیکەی ئەو وتووێژەدا لە بارەی سەربەخۆیی کوردستان باسی لەوە کرد: \'\'دۆخی هه‌نووكه‌یی كورد، ئیسرائیلی ساڵی ١٩٨٤م وە بیر دێنێتەوە‌. ئه‌و كاته‌ی كه‌ ٧ میلیۆن كه‌س، له‌ لایه‌ن ١٦٠ میلیۆن كه‌سی دوژمنه‌وه‌ له‌ لایه‌ن گه‌وره‌ ئیمپراتورییه‌ته‌كان و ده‌وڵه‌ته‌ سه‌ركوتكەره‌كان گەمارۆ درابوون.

ئه‌وه‌ندی من بیزانم، ئێران وڵاتێكی نادێموكراته‌، توركیەش، كه‌متر و كه‌متر دێموكراته‌، كه‌سیش پشتیوانی له‌ كورد ناكات. له‌ ڕاستیدا گه‌مارۆدانی كورد، به‌ باوەڕی من و هه‌ر دێموكراتخوازێكه‌وه‌، شكاندنی دڵه‌.