کوردستان میدیا

دووشەممه 4ی پووشپەڕ 2718
ماڵپەڕی ناوەندیی حیزبی دێموکراتی کوردستانی ئێران

بەشداریی شاندێکی کۆمیتەی حدک ئێران ــ ئوریبرۆ، لە سمینارێک سەبارەت بە سووریە

16:35 - 28 خاکەلێوه 2712

کوردستان میدیا: سمینارێکی تایبەت بۆ بەڕێز عومەر شێخ مووس سەبارەت بە ئایندە و پێگەی کورد لە ئاڵوگۆرەکانی سووریە بەڕێوەچوو.

بەپێی هەواڵی گەیشتوو بە ماڵپەڕی کوردستان میدیا، رێکەوتی ٢٦ی خاکەلێوی ١٣٩١ی هەتاوی، سمینارێک لە ژێر ناوی ئایندە و پێگەی کورد لە ئاڵوگۆرەکانی سووریەدا بۆ بەڕێز عومەر شێخ مووس لە شاری ئوریبرۆ بە هاوکاریی ABF بەڕێوەچوو.

سمینارەکە بە خولەکێک بێ‌دەنگی بۆ رێزگرتن لە ئەنفال و شەهیدانی راپەڕینەکانی سووریە و هەموو شەهیدانی رێگای رزگاریی کورد و کوردستان دەستی پێکرد.

لەو سمینارەدا بەڕیز عومەر شێخ مووس باسێکی لەسەر ئاڵوگۆڕەکانی جیهان، رۆژهەڵاتی نێوەڕاست بەگشتی و کوردستان بەتایبەتی کاریگەریی ئەو ئاڵوگۆڕانە لەسەر دۆزی کورد لە ئێستا و داهاتوودا پێشکەش کرد.

هەروەها بەشدارانی سمینار پرسیار و تێبینیی خۆیان خستە بەرباس و لەلایەن بەڕێوەبرانی سمینارەکەوە وڵام درانەوە.

لەو سمینارەدا هەیئەتێکی کۆمیتەی حدک ئێران ــ ئوریبرۆ و کۆمەڵێک لە کەسایەتییە ناسراوەکان و هەروەها ئەندامانی حیزب لەو شارە بەشدارییان کرد.