کوردستان میدیا

چوارشەممه 27ی پووشپەڕ 2718
ماڵپەڕی ناوەندیی حیزبی دێموکراتی کوردستانی ئێران

بەشداریی نوێنەری کۆمیتەی حدك ئێران لە ئەمریکا لە كوبوونەووەی شاندی BDP و نوێنەرایەتیی حكوومەتی هەرێمی كوردستان

17:07 - 10 بانەمەڕ 2712

كوردستان میدیا: نوێنەری حیزبی دێمۆكراتنی كوردستانی ئێران لە كوبوونەوەیەكدا كە بۆ كوردەكانی هەر چوار پارچەی كوردستان بە كۆڕگێڕیی بەڕێزان ئەحمەد تورك، سەلاحەددین دەمیرتاش و قوباد تاڵەبانی پێكهاتبوو، بەشداری كرد.

بەپێی هەواڵی گەیشتوو بە ماڵپەڕی كوردستان میدیا، ئێوارەی رۆژی دووشەممە رێكەوتی 4ی بانەمەڕی 1391ی هەتاوی، بەرپرسی كۆمیتەی حدك ئێران- ئەمریكا، بەڕێز جەمال عەبدوڵڵازادە لە كۆبوونەوەیەكدا كە بۆ هێز و لایەنە سیاسییەكانی هەر چوارپارچەی كوردستان لەلایەن نوێنەرایەتیی هەرێمی كوردستان لە ئەمریكا پێكهاتبوو، بەشداری كرد.

لەو كوبوونەوەیەدا هەریەك لە بەڕێزان قوباد تاڵەبانی، ئەحمەد تورك و سەلاحەدین دەمیرتاش وتەیان پێشكەش كرد و خۆشحاڵیی خۆیان لەم دیدارە دەربڕی. هەروەها لە وتەیەكی كورتدا بەرپرسی كۆمیتەی حدك ئێران خۆشحاڵیی خۆی لەم چاوپێكەوتنە دەربڕی و شاندی پارتی ئاشتی ودێمۆكراسی بەخێر هاتن كرد و سپاسی نوێنەرایەتیی هەرێمی كوردستانی كرد كە ئەم كۆبوونەوەی پێكهێنابوو.