کوردستان میدیا

یەکشەممە 24ی پووشپەڕ 2718
ماڵپەڕی ناوەندیی حیزبی دێموکراتی کوردستانی ئێران

بەڕێوەچوونی جێژنی نەورۆز لە شاری فاڵۆنی وڵاتی سوێد

06:06 - 17 خاکەلێوه 2712

ک/مــــــــــیدیا: رێوڕه‌سمی جێژنی نه‌ورۆز له‌ شاری فالۆنی وڵاتی سوێد به‌ به‌شداریی کوردانی هه‌ر چوار پارچه‌ به‌ڕێوه‌چوو.

به‌پێی هه‌واڵی گه‌یشتوو به‌ ماڵپه‌ڕی کوردستان میدیا، رێکه‌وتی 5ی خاکه‌لێوه‌ی 1391ی هه‌تاوی، ئاهه‌نگی جێژنی نه‌ورۆز و ساڵی نوێی کوردی، که‌ له‌لایه‌ن کۆمیته‌ی یه‌کیه‌تیی کوردانی شاری فالۆن پێکهاتبوو، به‌ به‌شداریی کۆمه‌ڵێکی به‌رچاو له‌ کوردانی هه‌ر چوار پارچه‌ی کوردستان و دانیشتوانی ئه‌و شاره‌ و ده‌وروبه‌ری به‌ڕێوه‌چوو.

سه‌ره‌تای رێوڕه‌سمه‌که‌ به‌ سروودی نەتەوایەتیی ئه‌ی ره‌قیب و راگرتنی خوله‌کێک بێ‌ده‌نگی بۆ رێز گرتن له‌ گیانی پاکی شه‌هیدانی کورد و کوردستان دەستی پێکرد.

پاشان په‌یامی یه‌کیه‌تیی کوردان له‌لایه‌ن به‌ڕێز جه‌میل عوزه‌ری خوێندرایەوه‌ و په‌یامی یه‌کیه‌تی ژنانی دێمۆکراتی کوردستانی ئێران له‌لایه‌ن خاتوو ئاشتی ئازره‌فشانه‌وه‌ پێشکەش کرا.

ئاهه‌نگه‌که‌ به‌ شایی و هه‌ڵپه‌ڕکێی به‌شداربوان و گۆرانیی هونه‌رمه‌ند هه‌ژار دهۆکی کۆتایی پێهات.