کوردستان میدیا

یەکشەممە 1ی رەزبەر 2718
ماڵپەڕی ناوەندیی حیزبی دێموکراتی کوردستانی ئێران

بەڕێوەچوونی فستیڤاڵی شێعری \"مناڵ\" له ئیلام

15:01 - 21 بەفرانبار 2717

کوردستان میدیا: سێهەمین فستیڤاڵی شێعری مناڵ له شاری ئەیوان سەر بە پارێزگای ئیلام بەڕێوە دەچێت.

بەپێی هەواڵی هەواڵدەرییە نێوخۆییەکان، لەم فستیڤاڵەدا ٧٠٠ بەرهەم له ١٢٠ شاعێر له شارەکانی: ورمێ، سنه، کرماشان، لوڕستان، هەمەدان، خووزستان و ئیلام، بۆ ئەم فستیڤاڵه نێردراوە و بۆ ماوەی دوو ڕۆژ له ڕۆژەکانی ٢٠ و ٢١ی بەفرانباری ١٣٩٦ی هەتاوی، بەڕێوە دەچێت.

فستیڤاڵی شێعری مناڵ هەر دوو ساڵ جارێک له ساڵەکانی ١٣٩٢ و ١٣٩٤ی هەتاوی، له ئیلام بەڕێوە چووە و بەشێکی زۆر له شاعێرانی ڕۆژهەڵات به شێعری کوردی بەشدارییان لەو فستیڤاڵه کردووە.

ئەم فستیڤاڵه لەسەر بنەمای شێعری مناڵ بۆ پاراستن و گەشە کردنی زمانی کوردی له شارەکانی ڕۆژهەڵات دامەزراوە، بەڵام لە لایەن ئیدارەی فەرهەنگ و ئێرشادی ئیسلامیی ئیلام بەڕێوە دەچێت و ڕێژیم هەوڵ دەدات، کاریگەریی لەسەری هەبێت.