کوردستان میدیا

دووشەممه 1ی گەلاوێژ 2718
ماڵپەڕی ناوەندیی حیزبی دێموکراتی کوردستانی ئێران

حوکمی ١٨.٥ ساڵ زیندان و ١١١٠ قامچی بۆ ٣٧ چالاکی به‌رگریکاری گۆلی ورمێ

18:12 - 24 جۆزەردان 2712

کوردستان میدیا: سزای زیندانی هه‌ڵواسراو و قامچی بۆ ٣٧ چالاکی به‌رگریکاری گۆلی ورمێ له‌مه‌ڕ به‌شداری له‌ ناڕه‌زایه‌تییه‌کانی ورمێ و ته‌ورێزدا سه‌پاوه.
به‌گوێره‌ی راپۆرتی هه‌واڵده‌ریی هرانا، رێکه‌وتی ٢٢ی جۆزه‌ردانی ١٣٩١ی هه‌تاوی، حوکمی١٨.٥ ساڵ زیندان و ١١١٠ قامچی بۆ ٣٧ چالاکی به‌رگریکاری گۆلی ورمێ بڕایه‌وه‌. سزای هه‌رکام له‌م چالاکانه‌ ٦ مانگ زیندانیی هه‌ڵواسراو و ٣٠ زه‌ربه‌ قامچی راگه‌یه‌نراوه.
ئه‌م سزایه‌ که‌ بۆ ئه‌م هاوڵاتییانه‌ ده‌رکراوه‌، به‌ندی ١ و ٢ی جاڕنامه‌ی گه‌ردوونیی مافی مه‌ده‌نی و سیاسیی که‌ باس له‌ مافی ئازادیی راده‌ربڕین و مافی ئاسایشی عه‌قیده‌ و بیروبڕوا ده‌کات، پێشێل کراون.

راگەیەنەکانی حیزبی دێمۆکراتی کوردستانی ئێران