کوردستان میدیا

دووشەممه 28ی جۆزەردان 2718
ماڵپەڕی ناوەندیی حیزبی دێموکراتی کوردستانی ئێران

خێزانی شەهیدێک و دایکی پێشمەرگەیەکی دیمۆکرات کۆچی دوایی کرد

19:43 - 24 گەلاوێژ 2716

کوردستان میدیا: ڕۆژی شەممە ڕێکەوتی ٢٣ی گەلاوێژ، خاتوو زین نەسیری، کچی حەمەد و خێزانی شەهید مستەفا محمەدزادە، ناسراو بە مستەفا کاکەلە، لە نەخۆشخانەیەکی شاری نەغەدە، بە هۆی نەخۆشی و پیرییەوە لە تەمەنی ٧٤ ساڵیدا، کۆچی دوایی کرد.

تەرمی خاتوو زین، ئێوارەی هەمان ڕۆژ، لە گۆڕستانی گوندی سینگانی شاری شنۆ و لەنێو ئاپۆرای خەڵکدا، ئەسپەردەی خاک کرا.

کاک مستەفا هاوسەری خاتوو زین، دوای شۆڕشی گەلانی ئێران، بووەتە پێشمەرگەی حدکا و لەسالی ١٣٦٢ی هەتاوی‌دا، لە تێکهەڵچوونێکی نێوان هێزە داگیرکەرەکانی ڕێژیم و پێشمەرگەکانی دێموکرات، لەناوچەی قەرە خدری شاری پیرانشار، شەهید بوو.

هەروەها کوڕێکی خاتوو زین بەناوی عەلی کاکەلە، پێشمەرگەی حیزبی دێموکراتی کوردستانی ئێرانە.

حیزبی دێموکراتی کوردستانی ئێران، پرسه وسه‌ره خۆشی خۆی له بنه‌ماڵه وخزم وکه‌سوکاری ناوبراو ده‌کات.