کوردستان میدیا

هەینی 1ی پووشپەڕ 2718
ماڵپەڕی ناوەندیی حیزبی دێموکراتی کوردستانی ئێران

دانانی بۆرجه‌کی نیزامی له‌ سه‌یرانگاکانی مه‌ریوان

19:12 - 21 خاکەلێوه 2712

کوردستان میدیا: سپای پاسداران به‌ دانانی بۆرجه‌کی چاوه‌دێری له‌ به‌رزاییه‌کانی شاخی سوورێن، هاتوچۆی گه‌شتیارانی بۆ ئه‌و ناوچه‌یه‌ قه‌ده‌غه‌ کردووه.

به‌پێی هه‌واڵی گه‌یشتوو به‌ ماڵپه‌ڕی کوردستان میدیا، هێزه‌کانی سپای پاسدارانی رێژیمی ئیسلامیی ئێران له‌ یه‌کێک له‌ سه‌یرانگاکانی شاری مه‌ریوان، به‌ ناوی سوورێن بۆرجه‌کی چاوه‌دێری (دیده‌بانی)ی داناوه‌ و هاتوچۆی هاووڵاتییانی بۆ ئه‌و سه‌یرانگایه‌‌ قه‌ده‌غه‌ کردووه.

رێژیمی به‌و کرده‌وه‌یه‌ی ده‌یهه‌وێ ئه‌گه‌ری هاتوچۆی هێزه‌کانی پێشمه‌رگه‌ بۆ نێو خاکی کوردستانی ئێران کونترۆڵ بکات.

هێزه‌کانی رێژیم به‌ ناوی به‌ڕێوه‌بردنی مانۆڕی نیزامی، ئه‌منیه‌تی ناوچه‌که‌یان ئاڵۆزتر کردووه‌ و کێشه‌یان بۆ هاووڵاتییان و خاوه‌ن زه‌وی و له‌وه‌ڕگه‌کان دروست کردووه‌ به‌ جۆرێک که‌ خه‌سارێکی قه‌ره‌بوو نه‌کراویان وێ که‌وتووه.