کوردستان میدیا

سێشەممه 26ی پووشپەڕ 2718
ماڵپەڕی ناوەندیی حیزبی دێموکراتی کوردستانی ئێران

داواکاریی ٥٠٠ میلیۆن تمه‌ن وه‌سیقه، بۆ دانی موره‌خه‌سی به‌ که‌بوودوه‌ند

14:37 - 13 خەزەڵوەر 2712

کوردستان میدیا: ده‌زگای قه‌زایی رێژیمی ئیسلامیی ئێران بۆ دانی موره‌خه‌سی به‌ به‌رپرسی ده‌ستبه‌سه‌رکراوی رێکخراوی پشتیوانی له‌ مافی مرۆڤی کوردستان داوای ٥٠٠ میلیۆن تمه‌ن وه‌سیقه‌ ده‌کات.


ئیجلال قه‌وامی وته‌بێژی ئه‌و رێکخراوه‌یه‌ وێڕای پژڕاست کردنه‌وه‌ی ئه‌و داواکارییه‌ ئاشکراشی کرد، هه‌تا ئیستا ناوه‌نده‌ پێوه‌ندیداره‌کان به‌ شێوه‌ی فه‌رمیی ئه‌و داواکارییه‌یان نه‌درکاندووه.
قه‌وامی به‌ هه‌واڵده‌ریی کوردپای راگه‌یاندووه، ده‌زگای قه‌زایی رێژیمی ئیسلامیی تاران به‌ شێوه‌ی نافه‌رمیی داوای له‌ بنه‌ماڵه‌ی محه‌ممه‌د سه‌دیق که‌بوودوه‌ند کردووه‌ که‌ بۆ دانی موره‌خه‌سی به‌و چالاکه‌ مه‌ده‌نییه‌ پێویسته‌ ٥٠٠ میلیۆن تمه‌ن وه‌سیقه‌ دابنێن.
محه‌ممه‌د سه‌دیق که‌بوودوه‌ند له‌ دامه‌زرێنه‌رانی رێکخراوی مافی مرۆڤی، کوردستان ساڵی ١٣٨٦ ده‌ستبه‌سه‌ر و به‌ ١٠ ساڵ زیندان حوکم درا.
ئه‌و هاووڵاتییه به‌هۆی بارودۆخی ناله‌باری زیندان، هه‌تا ئێستا تووشی چه‌ندین نه‌خۆشی پێست، ریه‌ و گورچیله‌ بووه.