کوردستان میدیا

دووشەممه 25ی پووشپەڕ 2718
ماڵپەڕی ناوەندیی حیزبی دێموکراتی کوردستانی ئێران

دایکی شه‌هیدێکی حیزبی دێموکرات کوچی دوایی کرد

21:26 - 7 رەشەمه 2716

کوردستان میدیا: دایە عەلا میرزایی دایکی شه‌هیدێکی حیزبی دێموکراتی کوردستانی ئێران کوچی دوایی کرد.

بەپێی هەواڵی گەیشتوو بە ماڵپەڕی کوردستان میدیا، ڕۆژی چوارشەممە ڕێکەوتی ٤ی ڕەشەمەی ١٣٩٥ی هەتاوی دایه‌ عه‌لا میرزایی دایکی شه‌هید سه‌لیم ڕە‌نجبه‌ر خه‌ڵکی گوندی سه‌رهویه‌ به هۆی نه‌خۆشی کۆچی دوایی کرد.

دایە عەلا کەسێکی نیشتمانپەروەر و دڵسۆز بوو و هەر دەم یارمەتیدەری پێشمەرگەکانی حیزبی دێموکراتی کوردستانی ئێران بوو.

شه‌هید سه‌لیم ڕه‌نجبه‌ر پێشمه‌رگه‌ی حیزبی دێموکراتی کوردستانی ئێران ساڵی ١٣٣٨ی هەتاوی له گوندی سه‌رهۆیه له‌ دایک بوو‌.

شەهید سەلیم‌ ڕێکه‌وتی ١١ی ڕەزبەری ١٣٦٢ی هەتاوی له‌ شه‌ڕی هه‌نجیران دژ بە داگیرکەرانی کوردستان شه‌هید بوو و ته‌رمی پیرۆزی ناوبراو له‌ بایه‌ری سه‌رو به‌ خاک سپێردراوه‌.

حیزبی دێموکراتی کوردستانی ئێران سەرەخۆشی لە بنەماڵە، خزم و کەس و کاری ناوبراو دەکات و خۆی به شەریکی خەمیان دەزانێت.