کوردستان میدیا

دووشەممه 1ی گەلاوێژ 2718
ماڵپەڕی ناوەندیی حیزبی دێموکراتی کوردستانی ئێران

دایکی شه‌هیدێکی رێگای رزگاریی کوردستان له‌ ناوچه‌ی نه‌غه‌ده‌ کۆچی دوایی کرد

18:29 - 1 جۆزەردان 2712

کوردستان میدیا: دایکی شەهید رەحمان تەکینی شەهیدی رێگای رزگاريی کوردستان لە ناوچەی نەغەدە کۆچی دوایی کرد.


بەپێی هەواڵی گەیشتوو بە ماڵپەڕی کوردستان میدیا، رێکه‌وتی ٣٠ی بانه‌مه‌ڕی ١٣٩١ی هه‌تاوی، دایه‌ مه‌نیجه‌ که‌ریمی دایکی شه‌هیدی فه‌رمانده‌ ره‌حمان ته‌کینی خه‌ڵکی گوندیی گه‌رگوولی سه‌رێ له‌ ناوچه‌ی نه‌غه‌ده‌ کۆچی دوایی کرد.
شه‌هید ره‌حمان ته‌کینی له‌ ساڵی ١٣٦٢ له‌ شه‌ڕێکی قاره‌مانانه‌دا له‌ ئاوایی مه‌مێندی ناوچه‌ی نه‌غه‌ده‌ پاش به‌ربه‌ره‌کانێیه‌کی قاره‌مانه‌ هاوڕێ له‌گه‌ڵ چه‌ند هاوڕێی دیکه‌ی ده‌که‌وێته‌ ناو رووبار و له‌ ئاودا ده‌خنکێ ‌و تێکه‌ڵ به‌ کاروانی شه‌هیدانی کوردستان ده‌بێت.
دایه‌ مه‌نیجه‌ هه‌میشه‌ ده‌رگای ماڵی بۆ کادر‌ و پێشمه‌رگه‌کانی حیزبی دێمۆکرات کراوه‌ بوو ‌و شانازی بە خۆیه‌وه‌ ده‌کرد که‌ رۆڵه‌یه‌کی له‌ رێگای رزگاریی نه‌ته‌وه‌ی کورد شه‌هید بووه‌.
حیزبی دێمۆکراتی کوردستانی ئێران، پرسە و سەرەخۆشیی خۆی ئاراستەی بنەماڵە و کەس و کاری دایە مەنیجە دەکات و خۆی بە شەریک و بەشداری خەمیان دەزانێت.
رۆحی شاد