کوردستان میدیا

یەکشەممە 24ی پووشپەڕ 2718
ماڵپەڕی ناوەندیی حیزبی دێموکراتی کوردستانی ئێران

دایکی شه‌هیدێکی رێگای رزگاریی کوردستان کۆچی دوایی کرد

17:40 - 22 خاکەلێوه 2712

کوردستان میدیا: دایکی شه‌هیدێکی حدک ئێران، له‌ ته‌مه‌نی 70 ساڵی، له‌ شاری کامیاران کۆچی دوایی کرد.

به‌پێی هه‌واڵی گه‌یشتوو به‌ ماڵپه‌ڕی کوردستان میدیا، رێکه‌وتی خاکه‌لێوه‌ی 1391ی هه‌تاوی، دایه‌ زه‌ینه‌ب که‌مانگه‌ر، دایکی پێشمه‌رگه‌ی شه‌هیدی حیزبی دێمۆکراتی کوردستانی ئێران محه‌ممه‌د که‌مانگه‌ر، ناسراو به‌ حه‌مه‌ شوان به‌ هۆی نه‌خۆشی کۆچی دوایی کرد.

محه‌ممه‌د که‌مانگه‌ر له‌ شه‌ڕێکی دژوار له‌گه‌ڵ هێزه‌کانی رێژیمی ئیسلامیی ئێران له‌ گوندی ته‌نگیسه‌ری سه‌ربه‌ ناوچه‌ی ژاوه‌رۆی سنه‌، له‌ رێکه‌وتی 16ی رێبه‌ندانی 1361ی هه‌تاوی بریندار بوو و دواتر به‌ هۆی قورسیی برینه‌که‌ی له‌ گوندی سه‌ڕێز شه‌هید بوو.

حیزبی دێموکراتی کوردستانی ئێران سه‌ره‌خۆشی خۆی ئاراسته‌ بنه‌ماڵه‌ و که‌س و کاری دایه‌ زه‌ینه‌ب ده‌کات و خۆی شه‌ریکی خه‌میان ده‌زانێت.

رۆحی شاد