کوردستان میدیا

شەممه 2ی پووشپەڕ 2718
ماڵپەڕی ناوەندیی حیزبی دێموکراتی کوردستانی ئێران

دایکی شەهیدێکی حیزبی دێموکرات لە شاری کامیاران کۆچی دوایی کرد

22:02 - 16 رەشەمه 2715

کوردستان میدیا: دایە شەڕافەت عەسکەری دایکی شەهیدێکی حیزبی دێموکراتی کوردستانی ئێران لە شاری کامیاران ماڵاوایی لە ژیان کرد.

بەپێی هەواڵی گەیشتوو بە ماڵپەڕی كوردستان میدیا، ڕۆژی شەممە ڕێکەوتی ١٥ی ڕه‌شه‌مه‌ى ١٣٩٤ی هه‌تاوی، دایە شەڕافەت عەسکەری، دایکی شەهید موراد مەردانی، خەڵكی گوندیپشت‌تەنگ، سەر بە شاری کامیاران، بە هۆی نەخۆشی كۆچی دوایی كرد.

دایە شەڕافەت ژنێكی نیشتمانپەروەر، حیزب دۆست و پێشمەرگەپەروەر بوو.

تەرمی دایە شەڕافەت لە نێو ئاپۆرای خزم و كەسوكار و دۆستانیان لە زیدی خۆی بە خاك سپێردرا.

شەهید موراد مەردانی ساڵی ١٣٢٧ی هەتاوی لە گوندی پشت‌تەنگ لەدایک بووە و لە ڕێکەوتی ١٦ی سەرماوەزی ١٣٦٠ی هەتاوی بە هۆی تەسادووفی ماشێن شەهید دەبێت.

شەهید موراد لە ڕیزەکانی حیزبی دێموکراتی کوردستانی ئێراندا پلەی سەرپەلی هەبووە و بەو پەڕی شانازییەوە ئەرکی حیزبیی بەڕێوە دەبرد.

حیزبی دێموکراتی کوردستانی ئیران ‌سه‌ره‌خۆشی له‌بنه‌ماڵه‌ و که‌سوکاری دایه‌ شەڕافەت دەكات و خۆی به ‌شه‌ریكی خه‌م و په‌ژاره‌یان ده‌زانێت.