کوردستان میدیا

دووشەممه 1ی گەلاوێژ 2718
ماڵپەڕی ناوەندیی حیزبی دێموکراتی کوردستانی ئێران

دایکی شەهیدێکی ڕێگای ڕزگاریی کورستان ماڵئاوایی لە ژیان کرد

16:44 - 10 رەزبەر 2716

کوردستان میدیا: دایکی شەهیدێکی ڕێگای ڕزگایی کوردستان لە شاری مەهاباد کوچی دوایی کرد.

بەپێی هەواڵی گەیشتوو بە ماڵپەڕی کوردستان میدیا، ڕۆژی چوارشەممە ڕێكەوتی ٧ی ڕەزبەری ١٣٩٥ی هەتاوی، دایە فاتمە ئابیاری خەڵکی گوندی سۆیناس، سەر بە شاری مەهاباد، لە تەمەنی ٨٥ ساڵی‌دا ماڵئاوایی لە ژیان کرد.

دایە فاتمە ژنێکی پێشمەرگە دۆست و نیشتمانپەروەر بوو و تەرمی ناوبراو لە نێو ئاپۆرای خەڵکی ناوچەکەدا بە خاک سپێردرا.

دایە فاتمە، دایکی شه‌هید سه‌ید ئه‌نوه‌ر بوو کە سالی ١٣٦٠ی هەتاوی له‌ گوندی حۆسین مامه سەر بە شاری بۆکان‌ له‌ شه‌ڕێکی قاره‌مانانەدا دژ بە داگیرکەرانی کوردستا‌ن تێکه‌ڵ به‌ کاروانی سورخه‌ڵاتی شه‌هیدان بوو.

حیزبی دێموکراتی کوردستانی ئێران پرسە و سەرەخۆشی خۆی ئاراستە بنەماڵە و کەسوکاری ناوبراو دەکات و خۆی بە شەریکی خەمیان دەزانێت.