کوردستان میدیا

دووشەممه 28ی جۆزەردان 2718
ماڵپەڕی ناوەندیی حیزبی دێموکراتی کوردستانی ئێران

دایكی پێشمه‌رگه‌یەكی حیزبی دێموكرات له‌ ورمێ كۆچی دوایی كرد

20:55 - 29 سەرماوەز 2715

كوردستان میدیا: دایكی پێشمه‌رگه‌یەكی حیزبی دێموكراتی كوردستانی ئێران له‌ گوندی ئه‌نبێی سه‌ر به‌ ده‌ڤه‌ری ته‏رگه‌وه‌ڕی ورمێ كۆچی دوایی كرد.

به‌پێی هه‌واڵی گه‌یشتوو بە ماڵپه‌ڕی كوردستان میدیا، ڕۆژی ٢٦ی سه‌رماوه‌زی ساڵی ١٣٩٤ی هەتاوی، دایه‌ گوڵستان ده‌رویشی كچی ئه‌سعه‌د و خه‌ڵكی گو‌ندی ئه‌نبێی سه‌ر به‌ ده‌ڤه‌ری ته‏رگه‌وه‌ڕی ورمێ، له‌ ته‌مه‌نی ٥٧ ساڵیدا، به‌ هۆی نه‌خۆشی كۆچی دوایی كرد.

12998.jpg
دایه‌ گوڵستان ده‌رویشی ژنێكی نیشتمانپه‌روه‏ر‌ و هاوكات دایكی هاوڕێی پێشمه‌رگه‌ سدیق ده‌رویشی، ئه‌ندامی كۆمیته‌ی ناوه‌ندیی حیزبی دێموكراتی كوردستانی ئێران بوو كه‌ هه‌ر ئێواره‌ی ڕۆژی ٢٦ی سه‌رماوه‌ز له‌ گۆڕستانی گوندی ئه‌نبێ و له‌ نێو ئاپۆرای دۆستان، دڵسۆزان و لایه‌نگران كورد و كوردستان و حیزبی دێموكراتدا به‌ خاكی پیرۆزی نیشتمان سپێردرا.

هه‌ر به‌و بۆنه‌یه‌وه‌ حیزبی دێموكراتی كوردستانی ئێران سه‌ره‌خۆشی له‌ بنه‌ماڵه‌ و كه‌س و كاری هاوڕێ سدیق ده‌رویشی ده‌كات و خۆی له‌ خه‌می له‌ده‌ستدانی دایه‌ گوڵستاندا به‌ شه‌ریك و بەشدار ده‌زانێت.