کوردستان میدیا

دووشەممه 25ی پووشپەڕ 2718
ماڵپەڕی ناوەندیی حیزبی دێموکراتی کوردستانی ئێران

رۆژی شه‌هیدانی کوردستان له‌ ئه‌مریکا به‌رز راگیڕا

18:14 - 22 خاکەلێوه 2712

کوردستان میدیا: به‌ بۆنه‌ی ١٠ی خاکه‌لێوه‌، کۆمیته‌ی حیزبی دێمۆکراتی کوردستانی ئێران ــ ئه‌مریکا کۆڕیادێکی له‌ ده‌ڤه‌ری واشنگتۆن به‌ڕێوه‌برد.

به‌پێی هه‌واڵی گه‌یشتوو به‌ ماڵپه‌ڕی کوردستان میدیا، رێکه‌وتی 20ی خاکه‌لێوه‌ی 1391ی هه‌تاوی رێوڕه‌سمێک به‌ بۆنه‌ی رۆژی شه‌هیدانی کوردستان له‌لایه‌ن کۆمیته‌ی حیزبی دێمۆکراتی کوردستان ــ ئه‌مریکا به‌ به‌شداریی کوردانی دانیشتووی ده‌ڤه‌ری واشینگتۆن به‌ڕێووه‌چوو.

سه‌ره‌تای کۆڕیاده‌که‌ به‌ خوله‌کێک بێده‌نگی بۆ گیانی پاکی شه‌هیدانی حیزب و گه‌ڵ ده‌ستی پێکرد.

پاشان په‌یامی ده‌فته‌ری سیاسیی حدک ئێران، به‌ بۆنه‌ی ١٠ی خاکه‌لێوه‌ له‌لایه‌ن به‌ڕێز شه‌ریف بێهروز نوێنه‌ری حیزب له‌ ئه‌مریکا خوێندرایه‌وه‌.

له‌ به‌شێکی دیکه‌ی کۆڕیاده‌که‌دا په‌یامی یه‌کیه‌تیی نیشتمانیی کوردستان، له‌لایه‌ن به‌ڕێز هه‌ڤاڵ سامی و هه‌روه‌ها په‌یامی پارتی دێمۆکراتی کوردستان، له‌لایه‌ن به‌ڕێز یاسین به‌روارییه‌وه‌ خوێندرانه‌وه‌.

له‌ بڕگه‌یه‌کی دیکه‌ی کۆڕه‌که‌دا به‌ فیلم چه‌ند وته‌ی به‌نرخی شه‌هید دوکتور قاسملوو له‌سه‌ر ١٠ی خاکه‌لێوه‌ و پێشه‌وایی نه‌مر قازی محه‌ممه‌د، بڵاو کرایه‌وه‌.
429.jpg


435.jpg


434.jpg


430.jpg


431.jpg


428.jpg


432.jpg