کوردستان میدیا

چوارشەممه 30ی جۆزەردان 2718
ماڵپەڕی ناوەندیی حیزبی دێموکراتی کوردستانی ئێران

زۆربوونی پایگاکانی ڕێژیمی ئێران لە سووریە

21:40 - 2 رەشەمه 2717

کوردستان میدیا: نیویۆرک تایمز لە ڕاپۆرتیکدا ئاماژەی بە زۆربوونی بنکەکانی ڕێژیمی ئێران لە سووریەدا کردووە.

بە پێی ڕاپۆرتی ڕۆژنامەی نیویۆرک تایمز، ڕێژیمی ئێران پەیوەندی لەگەڵ هێزەکانی سووریە زۆر کردووە و بە دامەزراندنی فێرگەی نیزامی بۆ چەکدارەکانی سووریە لە هەوڵ دایە کە بەرەیەک بە دژی ئیسرائیل پێک بیهێنێت.

لەو ڕاپۆرتەدا هاتووە کە ڕێژیمی ئیران ٣٩ بنکە و پایگای نیزامی لە سووریە دامەزراندووە، کە زۆربەیان لە نزیک سنووری سووریە لەگەڵ ئیسرائیل دان و چالاکی نیزامی دەکەن، ئەمە لە حاڵیکدایە کە پایگا کاتییەکەکانی ڕێژیمی ئێران لە سووریە کە دایاندەمەزرێنێت و دوای تەواوبوونی چالاکییەکانیان، لایان دەبات، لەو ڕاپۆرتەدا نەهاتووە.

نیویۆرک تایمز لە ڕاپۆرتەکەی ئاماژە بەوە کردووە کە بەرپرسانی ڕێژیمی ئێران بە ئاشکرایی لەبارەی چالاکییەکانی خۆیان بە دژی ئیسرائیل باس دەکەن و بە وتەی کارناسی ئەم ڕۆژنامەیە، ڕێژیمی ئێران خەریکە لە ناوچەکە خەریتەی تازە دادەمەزرێنێت و دەست بەسەر هەندێک وڵاتانی ناوچەکەدا دەگرێت.

دەستیێوەردانەکانی ئێران لە ناوچەکەدا بووەتە هۆی نیگەرانی وڵاتانی ناوچە و کۆمەڵگای جیهانی و هاوپەیمانییەتی عەرەبی لە ناوچەکە بە سەرپەرستی عەرەبستان و لە هەوڵدان کە پێش لە دزەکردنی ڕێژیمی ئێران لە ناوچەکەدا بگرن و بە بەردەوامی باس لە پاشەکشەکردن بە ڕێژیمی ئێران لە ناوچەکەدا دەکات.