کوردستان میدیا

دووشەممه 28ی گەلاوێژ 2719
ماڵپەڕی ناوەندیی حیزبی دێموکراتی کوردستانی ئێران

سپای تێرۆریستی پاسداران لە سووریە شکستی هینا

19:01 - 23 گەلاوێژ 2719

کوردستان میدیا: هێرشەکانی گرووپە تێرۆریستییەکانی "داعش"، بۆ سەر هێزە تێرۆریستییەکانی سپای پاسداران لە سووریە، ئەو هێزەی ناچار بە چۆڵکردنی بنکەکانی کرد.

بەپێی ڕاپۆرتەکانی "چاوەدێریی مافی مرۆڤ لە سووریە"، لە شەڕ و تێکهەڵچوونەکانی چەند حەوتووی ڕابردوو لەگەڵ هێزە تێرۆریستییەکانی داعشدا، سپای تێرۆریستی پاسداران و میلیشیا چەکدارەکانی، ١٠٠ کوژراو و برینداریان لێ بەجێماوە.

هەروەها، "چاوەدێریی مافی مرۆڤ لە سووریە" ڕایگەیاندووە: "بەهۆی بەربڵاویی هێرشەکان، سپای پاسداران بنکە جیاجیاکانی خۆی لە دەوروبەری شاری "بووکەماڵ"، لە نزیکیی سنووری عێراق بەجێ هێشتووە".

ڕاپۆرتی سەرچاوە نیزامییەکانی سووریە باس لەوە دەکەن کە هێرشەکانی داعش لە چەند حەوتووی ڕابردوودا بەردەوام بووە، بە شێوازێک کە هەموو ڕۆژێک هێرشێکی نوێیان  ئەنجام داوە.