کوردستان میدیا

چوارشەممه 27ی پووشپەڕ 2718
ماڵپەڕی ناوەندیی حیزبی دێموکراتی کوردستانی ئێران

سێ رۆژ پاش راگه‌یاندنی ئاگربەست، ٣٥٠ که‌س له‌ سووریه کوژران

12:58 - 9 خەزەڵوەر 2712

کوردستان میدیا: ئا‌گربەستی کاتیی نێوان ئەرتشی ئازاد و رێژیمی سووریه، به‌ ده‌سپێشخه‌ریی ئه‌خزه‌ر ئیبراهیمی، هه‌ر له‌ یه‌که‌م رۆژدا شکستی هێنا و هه‌تا ئێستاش ٣٥٠ که‌س کوژراون.


هه‌ر دوو لایه‌ن هه‌ر له‌ یه‌که‌م رۆژی جێژنی قورباندا چه‌ندین جار ئاگربەستەکەیان شکاند و دژبه‌رانی رێژیمی ئه‌سه‌د رایانگه‌یاند، هێزه‌کانی ئه‌رتشی رێژیمی سووریە له‌ رۆژانی ئاگربەستدا ناوچه‌کانی ده‌ورووبه‌ری دیمه‌شقیان به‌ توندی بوردومان کردووه.
به‌رپرسی چاودێریی مافی مرۆڤی سووریه رایگه‌یاندووه، فڕۆکه‌ جەنگییەکانی رێژیمی سووریه رۆژی دووشه‌ممه‌ ١١ جار گونده‌کانی ده‌ورووبه‌ری ئه‌دلیبیان، له‌ باکووری رۆژهه‌ڵاتی ئه‌و وڵاته‌ بوردومان کردووه.
هه‌مان سه‌رچاوه‌ ئاشکراشی کردووه، پاش راگه‌یاندنی ئاگربەست هه‌تا ئێستا ٣٥٠ که‌س له‌ تێکهه‌ڵچوون و بوردومانه‌کاندا کوژراون.
له‌ نێو ئه‌و کوژراوانه‌دا ٣٦ هاووڵاتیی مەدەنی و ٢٢ ژن و منداڵ ده‌بینرێن.
لەسەر دەستپێشخەری ئەخزەر ئیبراهیمی نوێنەری رێکخراوی نەتەوە یەکگرتووەکان بڕیار بوو ئەرتشی ئازادی سووریە و هێزەکانی رێژیمی ئەو وڵاتە ئاگەربەست رابگەینن، ئاگربەستێک کە هەر لە کاتی راگەیاندنێەوە پشت گوێ خرا.