کوردستان میدیا

سێشەممه 20ی سەرماوەز 2718
ماڵپەڕی ناوەندیی حیزبی دێموکراتی کوردستانی ئێران

فەرماندەیی هێزی پێشمەرگەی کوردستان ڕاگەیەندراوێکی بڵاو کردەوە

10:58 - 20 جۆزەردان 2718

کوردستان میدیا: لە پێوەندی لەگەڵ شەڕی چەند ڕۆژ پێش ئێستای هێزی پێشمەرگەی کوردستان و سپای پاسدارانی ڕێژیم لە ناوچەی شنۆ فەرماندەیی هێزی پێشمەرگەی کوردستان ڕاگەیەندراوێکی بڵاو کردەوە.

دەقی ڕاگەیەندراوەکە بەم چەشنەیە:

راگەیەندراوی فەرماندەیی هێزی پێشمەرگەی کوردستان

فەرماندەیی هێزی پێشمەرگەی کوردستان، هاونیشتمانانی کوردستان و هەموو میدیاکان ئاگادار دەکاتەوە کە شەوی ١٨ی جۆزەردانی ١٣٩٧ی هەتاوی تێکهەڵچوونێک لە نێوان هێزی پێشمەرگەی کوردستان و هێزەکانی سپای پاسدارانی رێژیمی کۆماری ئیسلامی ئێران لە سیاکێو لە ناوچەی شنۆ روویدا کە لە ئاکامدا ٩ پاسدار کوژران و ١٨ی دیکەش بریندار بوون.

راگەیەنەکانی رێژیمی کۆماری ئیسلامی و هێندێ میدیای دیکە لە ماوەی ٢٤ کاتژمێری رابردوودا دەنگۆی شەهیدبوونی ٧ پێشمەرگەیان راگەیاندبوو، بۆیە لەو پێوەندیەدا وێڕای وەدرۆخستنەوەی رێژیمی کۆماری ئیسلامی، هەموو لایەک دڵنیا دەکەینەوە کە هیچ زیانێک بەر هێزی پێشمەرگە نەکەوتووە و پێشمەرگەی کوردستان بە سڵامەت درێژەیان بە ئەرک و مەئموورییەتەکانی خۆیان داوە.

فەرماندەیی هێزی پێشمەرگەی کوردستان

١٣٩٧/٣/٢٠

٢٠١٨/٦/١٠