کوردستان میدیا

سێشەممه 26ی پووشپەڕ 2718
ماڵپەڕی ناوەندیی حیزبی دێموکراتی کوردستانی ئێران

فەرماندەیەکی دێرینی حیزبی دێموکرات کۆچی دوایی کرد

15:22 - 30 رەشەمه 2716

کوردستان میدیا: یەکێک لە فەرماندە دێرێنەکانی هێزی پێشەوا بۆ هەمیشە ماڵئاوایی له ژیان کرد.

بەپێی هەواڵی گەیشتوو بە ماڵپەڕی کوردستان میدیا، فەرماندە عوسمان سۆفی مینه ناسراو بە عوسمان شەیدا ڕێکەوتی ٢٨ی ڕەشەمەی ١٣٩٥ی هەتاوی لە شاری مەهاباد کۆچی دوایی کرد.

کاک عوسمان ساڵی ١٣٦٠ی هەتاوی پەیوەست بە ڕیزی‌ پێشمه‌رگەکانی حیزبی دێموکرات بوو. ناوبراو دوو جار لە شەڕ دژی داگیراکەراندا بریندار بووه‌.

کاک عوسمان ماوه‌یەک سه‌رپه‌لی لکی ١ی هێزی پێشەوا بووه.

ناوبراو ساڵی ١٣٦٤ی هەتاوی لە سەر ئیزنی حیزبی دێموکرات گەڕایەوە نێوخۆ و هه‌تا دوایین ساتەکانی ژیانی وەفادار به‌ ڕێبازی حیزبەکەی مایەوە.

حیزبی دێموکراتی کوردستانی ئێران سه‌رەخۆشی لە بنەماڵە، خزم و‌ که‌سوکاری ناوبراو ده‌کات و خۆی به‌ شه‌ریکی خه‌میان ده‌زانێت.