کوردستان میدیا

دووشەممه 25ی پووشپەڕ 2718
ماڵپەڕی ناوەندیی حیزبی دێموکراتی کوردستانی ئێران

منداڵانی کار له‌ هه‌رێمی کوردستان ده‌نێردرێنه‌ به‌ر خوێندن و مووچه‌یان بۆ دیاری ده‌کرێت

17:42 - 13 جۆزەردان 2712

کوردستان میدیا: وه‌زاره‌تى‌ كار و بوارى کۆمه‌ڵایه‌تیی هه‌رێمی کوردستان هه‌وڵی باشتر کردنی بارودۆخی منداڵانی کار له‌و هه‌رێمه‌ ده‌ده‌ن.


به‌گوێره‌ی راپۆرتی ئاژانسی هه‌واڵده‌ریی په‌یامنێر و به‌ پشت به‌ستن به‌ سه‌رچاوه‌یه‌کی ئاگادار له‌ کاروباری کۆمه‌ڵایه‌تیی حکوومه‌تی هه‌رێمی کوردستان، منداڵانی کار له‌و هه‌رێمه‌ له‌ ئه‌نجام دانی کاری قورس دوور ده‌خرێنه‌وه‌ و ده‌نێردرێنه‌ به‌ر خوێندن و مووچه‌یه‌کی تایبه‌تیان بۆ دیاری ده‌کرێت.
سه‌رچاوه‌که‌ له‌ زاری به‌رپرسێکی کاروباری کۆمه‌ڵایه‌تیی هه‌رێم بڵاویشی کردۆته‌وه‌، منداڵانی کار له‌ هه‌رێمی کوردستاندا هه‌لی خوێندنیان بۆ دابین ده‌کرێت هه‌تا واز له‌ کار کردن بهێنن.
هه‌روه‌ها وه‌زاره‌تی رۆشنبیری و کار و کاروباری کۆمه‌ڵایه‌تی و په‌روه‌رده‌ی هه‌رێم، پڕژاوه‌ته‌ سه‌ر ئه‌وه‌ش که‌ خزمه‌تی منداڵانی که‌م ئه‌ندام زیاتر بکرێت.

راگەیەنەکانی حیزبی دێمۆکراتی کوردستانی ئێران