کوردستان میدیا

سێشەممه 29ی گەلاوێژ 2719
ماڵپەڕی ناوەندیی حیزبی دێموکراتی کوردستانی ئێران

نیشتمانپەروەرێکی ناوچەی ڕەبەت کۆچی دوایی کرد

11:27 - 21 بانەمەڕ 2719

کوردستان میدیا: کەسایەتییەکی نیشتمانپەروەری شاری ڕەبەت بە هۆی نەخۆشییەوە بۆ هەمیشە ماڵاوایی لە ژیان کرد.

ڕۆژی پینجشەممە، ١٩ی بانەمەڕ، کەسایەتییەکی نیشتمانپەروەری شاری ڕەبەت، بەناوی "ڕەسووڵ ساڵحی"، ناسراو بە "ڕەسووی کوێخا"، خەڵکی گوندی "سارتکێ"، بەهۆی نەخۆشییەوە کۆچی دوایی کرد.

ناوبراو کەسایەتییەکی نیشتمانپەروەر و پێشمەرگەدۆست بوو و وەک باس دەکرێت ماڵەکەی وەک بنکەی پێشمەرگەکان، بەتایبەت هێزی زمزیران، بووە.

تەرمی مام ڕەسووڵ لە نێو ئاپۆرای خەڵکی ناوچەکەدا بە خاک ئەسپێردرا.

حیزبی دێموکراتی کوردستانی ئێران سەرەخۆشی لە خزم و کەسوکار و بنەماڵەی ناوبراو دەکات و خۆی بە هاوبەشی خەمیان دەزانێت.