کوردستان میدیا

چوارشەممه 30ی جۆزەردان 2718
ماڵپەڕی ناوەندیی حیزبی دێموکراتی کوردستانی ئێران

هەیئەتێکی هاوبەشی حدک ئێران و پارتی سوسیالیستی کوردستان، سەردانی دەڤەری بادینانیان کرد

18:53 - 1 بانەمەڕ 2712

کوردستان میدیا: هەیئەتێکی هاوبەشی حدک ئێران و پارتی سوسیالیستی کوردستان سەدرانی پارت و رێکخراوە سیاسییەکانی دەڤەری بادینانیان کرد.

بەپێی هەواڵی گەیشتوو بە ماڵپەڕی کوردستان میدیا، رێکەوتی ٢٩ و ٣٠ی خاکەلێوەی ١٣٩١ی هەتاوی، هەیئەتێکی هاوبەشی حیزبی دێمۆکراتی کوردستان و پارتی سوسیالیستی کوردستان، بە سەرپەرستیی بەڕێزان مەسعوود تەک سکرتێری گشتیی پارتی سوسیالیستی کوردستان، رۆستەم جەهانگیری ئەندامی دەفتەری سیاسیی حدک ئێران، سەردانی پارت و لایەنە سیاسی، جڤاکی، و کولتوورییەکانی دەڤەری بادینانی کرد.

هەیئەتی ناوبراو رێکەوتی ٢٩ی خاکەلێوەی ١٣٩١ی هەتاوی سەردانی لقی ٢٠ی پارتی دێمۆکراتی کوردستان لە دەڤەری شێخان کرد و لەلایەن بەڕێز عەلی عەونی، بە گەرمی پێشوازییان لێکرا. هەر لەو رۆەژەدا ئەو هەیئەتە لە فستیڤاڵی وەرزشیی قوتابخانەکاندا بەشدارییان کرد.

پاشان هەیئەتی هاوبەشی حدک ئێران و پارتی سوسیالیستی کوردستان سەردانی لالەشا نوورانی لە جێژنی چارشەمما سۆر جێژنی کوردە ئیزەدییەکاندا بەشداریان کرد و ئەو جێژنەیان لە بابەشیخ، شێخی ئیزەدییەکان پیرۆز کرد.

هەروەها لە رۆژی ٣٠ی خاکەلێوەی ١٣٩١ی هەتاوی، لە شاری دهۆک، لەمەڕ پیرۆزبایی جێژنی چارشەمما سۆر، سەردانی بنکەی لالەشیان کرد و لەلایەن بەڕێز شێخ شەمۆ سەرۆکی ئەو بنکەیە بە گەرمی پێشوازییان لێکرا.

دوو هەیئەتی هاوبەشی حدک ئێران و پارتی سوسیالیستی کوردستان، لە کۆتایی سەردانەکەیاندا، سەردانی پارتی کلدانی ــ ئاشووری لقی دهۆک کرد و لەلایەن بەڕێز ئالبێرت گیسۆ ئەندامی سکرتاریەتی ئەو پارتە بە گەرمی پێشوازییان لێکرا.

لەو چاوپێکەوتنەدا هەر کام لەو لایەنانە رەوشی کوردستان و رۆژهەڵاتی نێوەڕاستیان هەڵسەنگاند و لەسەر پرسە جۆراوجۆرەکان رۆژ ئاڵوگۆری بیروڕایان کرد.

ئالبێرت گیسۆ، سپاسی هەیئەتی هاوبەشی حیزبی دێمۆکراتی کوردستانی ئیران و پارتی سوسیالیستی کوردستانیان کرد و خۆشحاڵیی خۆیان لەو پیوەندییەدا دەربڕی.