کوردستان میدیا

یەکشەممە 3ی پووشپەڕ 2718
ماڵپەڕی ناوەندیی حیزبی دێموکراتی کوردستانی ئێران

پێشگیریی رێژیم له‌ به‌ڕێوه‌چوونی رێوڕه‌سمی نه‌ورۆز له‌ سه‌رده‌شت

03:32 - 17 خاکەلێوه 2712

ک/مـــــــــــیدیا: هێز و ده‌ست و پێوه‌ندییه‌کانی رێژیمی ئیسلامیی ئێران له‌ رێوڕه‌سمێکی جێژنی نه‌ورۆز له‌ سه‌رده‌شت، که‌ پێشتر ئاماده‌کاریی بۆ کرابوو، پێشگیرییان کرد.

به‌پێی هه‌واڵی گه‌یشتوو به‌ ماڵپه‌ڕی کوردستان میدیا، ئێواره‌ی رۆژی 4ی خاکه‌لێوه‌ی 1391ی هه‌تاوی، خه‌ڵکی ناوچه‌ی سه‌رده‌شت، ئاماده‌کارییان بۆ به‌ڕێوه‌بردنی رێوڕه‌سمی جێژنی نه‌ورۆز کردبوو، به‌ڵام له‌گه‌ڵ پێشگیریی هێزه‌کانی سه‌ربه‌ رێژیم به‌ره‌وڕوو بووه‌وه.

به‌ڕێوه‌به‌رانی رێوڕه‌سمه‌که‌ به‌ ناچار شوێنه‌که‌یان به‌جێ هێشت و بۆ به‌ڕێوه‌بردنی ئه‌و بۆنه‌ نه‌ته‌وه‌ییه‌ روویان له‌ شوێنه‌کانی دیکه‌ کرد.

به‌ڕێوه‌چوونی جێژنی نه‌ورۆز له‌ کوردستان له‌‌گه‌ڵ پێشوازیی گه‌رمی خه‌ڵک به‌ره‌وڕوو بووە و ته‌نانه‌ت له‌ هه‌ندێ ناوچه‌دا له‌ژێر گوشاری هێزه‌ ئه‌منیه‌تییه‌کانی رێژیمی ئێران به‌ڕێوه‌چووه.