کوردستان میدیا

دووشەممه 28ی جۆزەردان 2718
ماڵپەڕی ناوەندیی حیزبی دێموکراتی کوردستانی ئێران

پەیامی سەرەخۆشی لێپرسراوی گشتیی حیزب بەبۆنەی کۆچی دوایی دلۆڤان بارزانی

19:25 - 10 بانەمەڕ 2718

کوردستان میدیا: لێپرسراوی گشتیی حیزبی دێموکراتی کوردستانی ئێران بەبۆنەی کۆچی دوایی دلۆڤان بارزانی برای "نێچێرڤان بارزانی" سەرۆک وەزیرانی حکومەتی هەرێمی کوردستان پەیامێکی هاوخەمی بڵاو کردەوە.

دەقی پەیامەکە بەم چەشنەیە: 

جەنابی کاک نێچێرڤان بارزانی

سەرۆک وەزیرانی حکومەتی هەرێمی کوردستان

وێڕای سڵاو و حورمەت،


خەبەری کۆچی دوایی برای بەڕێزتان، ڕەحمەتی کاک دلۆڤان ئیدریس بارزانی جێگای پەژارە و داخمان بوو، بەو بۆنەوە سەرەخۆشی خۆمان ئاراستەی بەڕێزتان و هەموو بنەماڵەی بەڕێزی بارزانی دەکەین و خۆمان بە بەشداری خەمتان دەزانین.

هیوای تەمەنی درێژ و پڕ لە تەندروستی بۆ ئێوە و باقی ئەندامانی بنەماڵەی بەڕێزتان دەخوازین.

حیزبی دێموکراتی کوردستانی ئێران
لێپرسراوی گشتی
مستەفا هیجری