کوردستان میدیا

سێشەممه 26ی پووشپەڕ 2718
ماڵپەڕی ناوەندیی حیزبی دێموکراتی کوردستانی ئێران

چالاکیی ئه‌ندامانی حیزب، به‌بۆنه‌ی٢٠مین ساڵـڕۆژی تیرۆری دوکتور شه‌ره‌فکه‌ندی

17:53 - 23 خەرمانان 2712

کوردستان میدیا: له‌ بۆکان و ورمێ چالاکیی ته‌بلیغی به‌بۆنه‌ی ٢٦ خەرمانان به‌ڕێوه‌چوو.


به‌پێی راپۆرتی ماڵپه‌ڕی کوردستان میدیا، ئه‌ندامان و لایه‌نگرانی حیزبی دێمۆکراتی کوردستانی ئێران به‌ بۆنه‌ی ٢٠مین ساڵیادی تیرۆری دوکتور شه‌ره‌فکه‌ندی له‌ ورمێ و بۆکان به‌ بڵاو کردنه‌وه‌ی پووستر و وێنه‌ی رێبه‌رانی شه‌هید چالاکی ته‌بلیغییان به‌ڕێوه‌ برد.
ئه‌و شوێنانه‌ که‌ چالاکی ته‌بلیغییان تێدا به‌ڕێوه‌ چووه‌ بریتین له:


بۆکان:

جاده‌ی حه‌سار، کۆڵانه‌کانی قوتابخانه‌ی شه‌هامه‌ت، ئیداره‌ی ته‌ربییه‌ت ‌به‌ده‌نی، پاساژه‌کانی سه‌رچشمه‌ی ئومێد، حه‌مامی کۆن، عه‌باسی، شاره‌وانی، پاساژی قه‌ڵا و بازاڕی تاناکۆرا.
هه‌روه‌ها له‌ ئیداره‌ ده‌وڵه‌تییه‌کانی جاده‌ی به‌نداو و فه‌رمانداریی بۆکان پووستر و تراکتی و سی‌دی حیزبی بڵاو کراوه‌ته‌وه.
ورمێ:

ئه‌ندامان و لایه‌نگرانی حیزب له‌ ناوچه‌ی ئیسلام‌ئابادی ورمێ به‌ بۆنه‌ی ٢٦ی خه‌رمانان چالاکی به‌رینی ته‌بلیغیان به‌ بڵاو کردنه‌وه‌ی پووستێر و وێنه‌ی دوکتور سادق شه‌ره‌فکه‌ندی به‌ڕێوه‌ برد.
٢٠مین ساڵـڕۆژی تیرۆری دوکتور سادق شه‌رەفکه‌ندی و هاوڕێیانی