کوردستان میدیا

پێنجشەممه 25ی رەزبەر 2719
ماڵپەڕی ناوەندیی حیزبی دێموکراتی کوردستانی ئێران

چواردەیەمین فێستیڤاڵی شانۆی سەرشەقامی مەریوان کۆتایی پێهات

13:23 - 6 خەرمانان 2719

کوردستان میدیا: چواردەیەمین فێستیڤاڵی نێونەتەوەیی شانۆی سەرشەقامی مەریوان، پاش تێپەڕینی ٥ ڕۆژ و بە بەشداریی ١١ وڵاتی جیهان، لە شاری مەریوانی ڕۆژهەڵاتی کوردستان کۆتایی بە کارەکانی خۆی هێنا.

فێستیڤاڵی شانۆی سەرشەقامی مەریوان کە لە ڕۆژی ١ی خەرمانانەوە دەستی پێکردبوو، ڕۆژی سێشەممە، ٥ی خەرمانان بە دەستنیشانکردنی سەرکەوتووانی فێستیڤاڵەکە لە ڕێوڕەسمێکی تایبەتدا کۆتایی پێهات.

ڕێوڕەسمی کۆتاییهاتنی ئەم فێستیڤاڵە لە هۆڵی "نشاتـ"ـی شاری مەریوان بەڕێوەچوو.

چوارەدەیەمین فێستیڤاڵی شانۆی سەرشەقامی مەریوان، بەگشتی ٨٦ نواندن لە ٢٨ گرووپی نێوخۆیی ئێران و ١٠ گرووپی دەرەوەی ئێرانی لەخۆگرتبوو.

یەکەمین ڕۆژی فێستیڤاڵەکە بە نمایشکردنی گرووپێکی ئیتالیایی لە پارکی "شانۆ"ی شاری سنە دەستی پێکرد. لە ڕۆژی دووهەمدا، ١٥ نواندن، ڕۆژی سێهەم ٣١ نواندن و لە ڕۆژی کۆتاییشدا، ٧ بەرهەم لە شاری مەریوان بۆ بەشداربووانی فێستیڤاڵەکە نمایش کران.