کوردستان میدیا

چوارشەممه 27ی پووشپەڕ 2718
ماڵپەڕی ناوەندیی حیزبی دێموکراتی کوردستانی ئێران

چوار هاووڵاتیی له مه‌هاباد له‌لایه‌ن هێزه‌ ئه‌منیه‌تییه‌کانه‌وه‌ ده‌سبه‌سه‌ر کران

15:36 - 28 جۆزەردان 2712

کوردستان میدیا: دوو خوێندکار و دوو هاووڵاتیی دیکه‌‌ پاش بانگهێشتن لەلایەن ئیتلاعى مه‌هابادەوە، به‌بێ هیچ تۆمه‌تێک ده‌سبه‌سه‌ر کران.
به‌گوێره‌ی ماڵپه‌ڕی جرس، رۆژی پێنج‌شه‌ممه، رێکه‌وتی ٢٥ی جۆزه‌ردانی ١٣٩١ی هه‌تاوی، دیاکۆ خه‌یاتخوێندکاری کارناسیی باڵای زانینگه‌ی تاران، بانگهێشتی ئیداره‌ی ئیتلاعاتی شاری مه‌هاباد و پاشان ده‌سبه‌سه‌ر کراوه.
به‌پێی راپۆرتی ئاژانسی هه‌واڵده‌ریی موکریان، رێکه‌وتی ٢٣ی جۆزه‌ردانی ١٣٩١ی هه‌تاوی، سێ هاووڵاتی به‌ ناوه‌کانی یه‌عقووب خزری راوێژکاری بواری په‌روه‌رده‌ و خوێندکاری کارناسیی باڵا له‌ به‌شی ده‌روونناسی، ئۆمید قادری ئه‌قده‌م وێنه‌گر و دێکۆمێنتار و جه‌مال قادرنژاد خه‌ڵکی گوندی حاجی حه‌سه‌نی سه‌ربه‌ میاندواو، بانگهێشتی ئیداره‌ی ئیتلاعات و پاشان ده‌سبه‌سه‌ر کراون.
به‌پێی ئه‌م راپۆرته‌ تۆمه‌تی ئه‌و هاووڵاتییانه‌ روون نییه‌ و هه‌روه‌ها له‌ شوێنی راگرتنی دیاکۆ خه‌یاتيش هیچ زانیارییه‌ک له‌به‌ر ده‌ستدا نییه.

راگەیەنەکانی حیزبی دێمۆکراتی کوردستانی ئێران