کوردستان میدیا

دووشەممه 28ی جۆزەردان 2718
ماڵپەڕی ناوەندیی حیزبی دێموکراتی کوردستانی ئێران

ژماره‌ی کوژراوانی سووریه‌ له‌ 11 هه‌زار که‌س تێپه‌ڕی

05:25 - 17 خاکەلێوه 2712

ک/مـــــــــیدیا: ژماره‌ی کوژراوانی شۆڕشی سووریه‌ له‌ ساڵی رابردووه‌وه‌ هه‌تا رۆژی 25 ره‌شه‌مه‌ی 1390ی هه‌تاوی، له‌ 11 هه‌زار که‌س تێپه‌ڕیوه.

به ‌گوێره‌ی راپۆرتێک که‌ یه‌کیه‌تیی هاوئاهه‌نگیی شۆڕشی سووریه‌ بڵاوی کردۆته‌وه‌، هاتووه‌، له‌ سه‌ره‌تای ده‌سپێکی ئاڵۆزییه‌کان و شه‌ڕی نێوان ئه‌رتشی رێژیمی به‌شار ئه‌سه‌د و سه‌ربازه‌ جیابووەکان‌، هه‌تا ئێستا 11 هه‌زار و 181 که‌س کوژراون.

به‌پێی هه‌مان سه‌رچاوه‌ ژماره‌ی قوربانیان له‌ شاره‌ جۆراوجۆره‌کانی سووریه‌ له‌ سه‌ره‌تای ده‌سپێکی شه‌ڕه‌وە هه‌تا رێکه‌وتی 25ی ره‌شه‌مه‌، به‌م شێوه‌یه: حومس 4450 که‌س، ئه‌دله‌ب 2031 که‌س، ده‌رعا 1184 که‌س، حه‌ما 1176 که‌س، ریف دیمه‌شق982 که‌س، دێرزوور 415 که‌س، لازقییه‌ 230 که‌س، حه‌ڵه‌ب 229 که‌س، دیمه‌شق 202 که‌س، ته‌رتووس 66 که‌س، حه‌سه‌که‌ 62 که‌س، قونه‌یته‌ره‌ 59 که‌س، رقه‌ 28 که‌س و سویداش 6 که‌س.

به‌پێی ئه‌و راپۆرته‌ ژماره‌یه‌کی زۆری ئه‌و قوربانیانه‌ ژن و منداڵن.