کوردستان میدیا

شەممه 30ی پووشپەڕ 2718
ماڵپەڕی ناوەندیی حیزبی دێموکراتی کوردستانی ئێران

کوردستان و ئێران/ چالاکیی تەبلیغی بە بۆنەی ٢٦ی سەرماوەز بەردەوامە

15:58 - 24 سەرماوەز 2715

کوردستان میدیا: بە بۆنەی ساڵڕۆژی پێشمەرگەی کوردستان ئەندامان، لایەنگران و خەڵکی خەباتگێڕی کوردستان، لە زۆربەی شار و گوندەکانی کوردستان و هەروەها پارێزگا فارس‌نشینەکان چالاکیی تەبلیغییان بەڕێوە برد.

بەپێی ڕاپۆرتی هەواڵنێری ماڵپەڕی کوردستان میدیا؛ ئەندامان و لایەنگرانی حیزبی دێموکرات لە شار وگوندەکانی کوردستان، ڕۆژی پێشمەرگەی کوردستانیان بەرز ڕاگرت.

شنۆ

تێکۆشەرانی دێموکرات بە بۆنەی هاتنی ڕۆژی پێشمەرگەی کوردستان لە شاری شنۆ، چالاکیی تبلیغییان لەم شوێنانە بەڕێوە برد؛ مەدرەسەی شەرەف، شێخ عەبدولعەزیز، سەلیم ئاوا، پشت مزگەوتی جامیعە، ڕەحیم ئاوا، مام‌تەمر.

مەهاباد

ڕێبوارانی بەئەمەگی دێموکرات، لە ناوچه‏ی شاروێرانی مەهاباد و ئاوایی خوڕخوڕه، به بۆنەی ٢٦ی سەرماوەز ڕۆژی پێشمەرگەی کوردستان، چالاکیی تەبلیغییان ئەنجام دا.

پاوە

ڕۆڵە نەبەزەکانی دێموکرات لە شاری پاوە لە گوندی شمشێر بە بڵاوکردنەوەی تراکت و پوستێری تایبەت بە ڕۆژی پێشمەرگەی کوردستان، ڕێزیان لە ٢٦ی سەرماوەز گرت.

ئەو شوێنانەی کە چالاکیی تەبلیغاتیی تێدا ئەنجام دراوە بریتین لە:
گەڕەکی ئارامگای شمشێر، گەڕەکی مزگەوتی جامیعەی پێشوو و مزگەوتی جامیعەی تازە، جادەی سەرکیی کرماشان ـ پاوە، کۆڵانەکانی دەوروبەری مەدەرسەی بەهرام وەیسی و نێو گوندی شمشێر.

لاوانی دێموکرات سەرەڕای ئەوەیکە جاش و بەکرێگیراوەکان لە کاتی ئامادەباشیی‌ دابوونە، چالاکیی تەبلیغییان بەڕێووە بردووە.

شیراز

قارەمانانی دێموکرات، ئه‏‌ندامان و لایه‏‌نگرانی حیزبی دێموکراتی کوردستانی ئێران، له شاری شیراز دەستیان دایه چالاکیی تەبلیغیی و ڕۆژی پێشمەگەی کوردستانیان بەرز ڕاگرت.

ئەو شوێنانەی کە لە شاری شیراز چالاکیی تەبلیغاتیی تێدا بەڕێوە چووە بریتن لە:

دەوروبەری قەلعەی ئەرگی کەریمخانی زەند، دەروازەی کازروون و حەرەمی شاچراغ.

12897.jpg

12892.jpg

12895.jpg

12896.jpg

12893.jpg

12902.jpg

12891.jpg

12901.jpg

12899.jpg

12898.jpg

12900.jpg

12903.jpg