کوردستان میدیا

شەممه 5ی جۆزەردان 2718
ماڵپەڕی ناوەندیی حیزبی دێموکراتی کوردستانی ئێران

کۆچی دوایی باوکی دوو شه‌هیدی ریگای رزگاریی کوردستان

08:15 - 17 خاکەلێوه 2712

ک/مـــــــــــیدیا: باوکی دوو شه‌هیدی رێگای رزگاری و سه‌ربه‌ستیی کوردستان له‌ ته‌مه‌نی 85 ساڵی له‌ شاری بۆکان ماڵئاوایی له‌ ژیان کرد.

به‌پێی هه‌واڵی گه‌یشتوو به‌ ماڵپه‌ڕی کوردستان میدیا، شه‌وی 9 له‌سه‌ر 10ی خاکه‌لێوه‌ی 1391ی هه‌تاوی، باوکی دوو شه‌هیدی رێگای رزگاریی کوردستان و که‌سایه‌تیی خۆشه‌ویستی شاری بۆکان، به‌ناوی سه‌ید فه‌تاح سه‌یدئه‌حمه‌دی له‌ ته‌مه‌نی 85 ساڵیدا کۆچی دوایی کرد.

سه‌ید فه‌تاح، باوکی دوو شه‌هید به‌ ناوه‌کانی سه‌ید تاهیر سه‌یدئه‌حمه‌دی و سه‌ید ئه‌سعه‌د سه‌یدئه‌حمه‌دی و هه‌روه‌ها خاوه‌ن که‌سایه‌تییه‌کی به‌رزی کۆمه‌ڵایه‌تی و جێگای متمانه‌ی خه‌ڵک بوو.

ناوبراو به‌رده‌وام خه‌ڵک و بنه‌ماڵه‌ی شه‌هیدانی به‌ دوارۆژێکی گه‌ش و به‌ختیار دڵخۆشیی ده‌دانه‌وه.

حیزبی دێموکراتی کوردستانی ئێران، سه‌ره‌خۆشی خۆی ئاراسته‌ی بنه‌ماڵه‌ و که‌س و کاری ناوبراو ده‌کات و خۆی به‌ شه‌ریک و به‌شداری خه‌میان ده‌زانێت.