کوردستان میدیا

پێنجشەممه 29ی خەرمانان 2718
ماڵپەڕی ناوەندیی حیزبی دێموکراتی کوردستانی ئێران

کۆچی دوایی دایکی شه‌هیدێکی رێگای رزگاریی کوردستان له‌ ناوچه‌ی پیرانشار

16:19 - 30 بانەمەڕ 2712

کوردستان میدیا: دایکی شەهیدێکی رێگای رزگاریی کوردستان لە تەمەنی ٦٥ ساڵیدا لە ناوچەی پیرانشار کۆچی دوایی کرد.


بەپێی هەواڵی گەیشتوو بە ماڵپەڕی کوردستان میدیا، رۆژی پێنج‌شه‌ممه‌، رێکه‌وتی ٢٨ی بانه‌مه‌ڕی ١٣٩١ی هه‌تاوی، دایه‌ ئامینه‌ ئیمام دایکی شه‌هید مسته‌فا قادرزاده‌ خه‌ڵکی گوندی کۆنه ‌لاجانی ناوچه‌ی پیرانی پیرانشار، به‌ هۆی نه‌خۆشیی شێرپه‌نجه‌ له‌ ته‌مه‌نی ٦٥ساڵیدا کۆچی دوایی کرد.
شه‌هید مسته‌فا قادرزاده‌ رێکه‌وتی٠٧/٠٨/١٣٧٤ی هەتاوی هاوڕێ له‌گه‌ڵ حوسێن ده‌ممه‌ له‌ کاتی ئه‌نجام دانی مه‌ئمۆریه‌تێکی حیزبی له‌ کوێستانه‌کانی ناوچه‌ی قه‌ندیل ده‌که‌ونه‌ بۆسەی هێزه‌کانی رێژیم ‌و پاش شه‌ڕێکی قاره‌مانانه‌ شه‌هید ده‌کرێن.
دایه‌ ئامینه‌ پاش شه‌هید بوونی جگه‌رگۆشه‌که‌ی هه‌میشه‌ به‌ حیز‌ب و ئامانجه‌کانی گه‌لی کورد وه‌فادار مایه‌وه ‌‌و‌ وه‌ک ژنێکی شۆڕشگێر ‌و به‌ هه‌ڵوێست له‌نێو خه‌ڵکی ناوچه‌که‌دا خاون رێزێکی تایبه‌تی بوو.
حیزبی دێمۆکراتی کوردستانی ئێران به‌ بۆنه‌ کۆچی دوایی دایه‌ ئامینه،‌ سه‌ره‌خۆشیی گه‌رمی خۆی ئاراسته‌ بنه‌ماڵه ‌‌و که‌س ‌و کاری ناوبراو ده‌کات ‌و خۆی به‌ شه‌ریک ‌و به‌شداری خه‌میان ده‌زانێت.

رۆحی شاد

راگەیەنەکانی حیزبی دێمۆکراتی کوردستانی ئێران