کوردستان میدیا

چوارشەممه 27ی پووشپەڕ 2718
ماڵپەڕی ناوەندیی حیزبی دێموکراتی کوردستانی ئێران

کۆچی دوایی هاوسەری شەهیدێکی رێگای رزگایی کوردستان له‌ شاری کامیاران

18:26 - 27 بانەمەڕ 2712

کوردستان میدیا: هاوسەری شەهیدێکی رێگای رزگاریی کوردستان لە ناوچەی کامیاران لەتەمەنی ٦٠ ساڵیدا کۆچی دوایی کرد.



بەپێی هەواڵی گەیشتوو بە ماڵپەڕی کوردستان میدیا، رۆژی یەکشەممە رێکه‌وتی ٢٤ی بانەمەڕی ١٣٩١ی هه‌تاوی، دایه‌ زەینەب نوسرەتی، خێزانی شەهیدی رێگای رزگاری محەممەد کەریم نوسرەتی لە ئاوایی نه‌سرەت ئاوای سەربە شاری کامیاران، لە تەمەنی ٦٠ ساڵیدا ماڵئاوایی لە ژیان کرد.

دایه‌ زەینەب پاش شه‌هید بوونی مێرده‌که‌ی چه‌ندین جار به‌ هۆی هه‌ڵوێستی نیشتمانپه‌روه‌رانه‌، به‌ ده‌ست هێزه‌کانی رێژیمی ئیسلامیی ئێران ده‌ستبه‌سه‌ر کرا و هەتا دوایین ساتەکانی ژیانی له‌ سه‌ر رێبازی مێردی شه‌هیدی پێداگری ده‌کردەوە.

991.jpg

جێگای ئاماژه‌یه‌ شەهید محەممەد کەریم نوسرەتی له‌ رێکه‌وتی ١٢/٠٢/١٣٦٠ی هەتاوی، له ‌گه‌زگه‌زاره‌ له‌ شه‌رێکی نا به‌رانبه‌ر، له‌گه‌ڵ هێزه‌کانی رێژیمدا شەهید بوو ‌و هه‌ر له‌و شۆێنه‌ به‌ خاکی نیشتمان سپێردرا.

حیزبی دێمۆکراتی کوردستان، سه‌ره‌خۆشیی گه‌رمی خۆی ئاراسته‌ی بنه‌ماڵه ‌‌و که‌س‌ و کاری دایه‌ زه‌ینه‌ب ده‌کات ‌و خۆی به‌ شه‌ریک ‌و به‌شداری خه‌میان ده‌زانێت.

رۆحی شاد

راگەیەنەکانی حیزبی دێمۆکراتی کوردستانی ئێران