کوردستان میدیا

یەکشەممە 24ی پووشپەڕ 2718
ماڵپەڕی ناوەندیی حیزبی دێموکراتی کوردستانی ئێران

کۆڕیادێک بۆ کاک عەبوو کەریمی له نۆروێژ بەڕێوە چوو

22:07 - 10 رەشەمه 2716

کوردستان میدیا: کۆمیتەی حیزبی دێموکراتی کوردستانی ئێران لە وڵاتی نۆروێژ سەبارەت بە کۆچی دوایی کاک عەبوو کەریمی کۆڕیادێکیان بەڕێوە برد.

ڕۆژی شەممە ڕێکەوتی ٧ی ڕەشەمەی ١٣٩٥ی هەتاوی، کۆمیتەی حیزبی دێموکرات لە وڵاتی نۆروێژ، لە شارۆچکەی سترۆمێن کۆڕیادێکیان لەپێوەندی لەگەڵ کۆچی دوایی کاک عەبدوڵڕەزا کەریمی، به بەشداریی میوانان و ئەندامان و لایه‌نگرانی حیزبی دێموکراتی کوردستانی ئیران له لۆکاڵی قازی پێکهێنا.

سه‌رەتای کۆڕیادەکە به سروودی نەتەوەییئەی ڕەقیب و خولەکێک بێدەنگی بۆ ڕێزگرتن له گیانی پاکی شەهیدانی کوردستان دەستی پێکرد.

پاشان پەیامی دەفتەری سیاسیی حیزبی دێموکراتی کوردستانی ئێران له لایەن عه بباس نامی به‌رپرسی کۆمیتەی ئۆسلۆ، پێشکەش کرا.

دواتر كاك قادر ئەلیاسی، هاوڕێ و هاوسەنگەری شەهید عەبوو کەریمی، باس و یادوه‌رییه‌کی له سەر کەسایەتی ناوبراو پێشکەش کرد.
لەو کۆڕیادەدا، پەیامی یەکیەتیی لاوانی دێموکراتی کوردستانی ئیران له لایەن سادق قەویدڵ‌ەوە پێشکەش کرا.

هەروەها پەیامی کۆنگره‌ی نەتەوەکانی ئێرانی فێدڕاڵ له لایەن دوکتور فەرەیدوون که‌رەمیەوە پێشکەش کرا.

دواتر ئێبراهیم كۆنه‌پۆشی پەیامی کۆمەڵەی شۆڕشگێڕی زەحمەتکێشانی کوردستانی پێشکەش بە ئاماده‌بووان کرد.

لەو کۆڕیادەدا، سروودێکی شۆڕشگێڕانه له لایەن سامرەند ئەلیاسیەوە پێشکەش کرا‌.

پەیامی پارتی سەربەستیی کوردستان له لایەن عارف باواجانی پێشکەش کرا.

هەروەها شێعرێک له لایەن کاک ئەنوه‌ر سوڵتان‌پەنا پێشکەش به بەشداربووان کرا.

هەروەها ئاسۆ محەممەدی، ئەمیر ئەلیاسی، مەجید یارحوسێنی، ئەمین وەیسی، هاوڕێ و هاوسەنگەری نەمر (عه‌بوو کریمی) چەند بیرەوەرییەکیان پێشکەش کرد.

له‌ به‌شی كۆتایی كۆڕیاده‌كه‌دا ئیبراهیم لاجانی به‌رپرسی کۆمیتەی گشتیی حیزبی دێموکرات له وڵاتی نۆروێژ چەند وتەیەکی پێشکەش کرد.