کوردستان میدیا

پێنجشەممه 31ی جۆزەردان 2718
ماڵپەڕی ناوەندیی حیزبی دێموکراتی کوردستانی ئێران

کۆڕێکی سیاسی بۆ سه‌رۆکی هه‌رێمی کوردستان له‌ واشنگتۆن به‌ڕێوه‌چوو

18:25 - 20 خاکەلێوه 2712

کوردستان میدیا: کۆڕێکی سیاسی بۆ سه‌رۆکی هه‌رێمی کوردستان له‌ واشنگتۆن به‌ڕێوه‌چوو و نوێنه‌ری حیزبی دێموکراتی کوردستانی ئێران له‌ ئه‌مریکا بۆ ئه‌و کۆڕه‌ بانگهێشت کرا.

به‌ پێی هه‌واڵی گه‌یشتوو به‌ ماڵپه‌ڕی کوردستان میدیا، به‌ڕێز شه‌ریف بێهرووز نوێنه‌ری حدک ئێران بۆ کۆڕێک له‌ په‌یمانگای واشنگتۆن بۆ سیاسه‌تی رۆژهه‌ڵاتی ناوه‌ڕاست که‌ بۆ به‌ڕێز مه‌سعوود بارزانی پێکهێنرابوو بانگهێشت کرا. له‌م کۆڕه‌ سیاسییه‌دا به‌ڕێز مه‌سعوود بارزانی له‌سه‌ر دوایین رووداوه‌کانی کوردستان، عێراق و ناوچه‌ بۆ به‌شداران دوا و پاشان وڵامی پرسیاره‌کانی به‌شداربوانی دایه‌وه‌.
375.jpg


کۆڕه‌که‌ بۆ پسپۆڕان، شاره‌زایان، میدیا و که‌سایه‌تی و لایه‌نه‌ سیاسییه‌کان رێکخرابوو که‌له‌ نزیکه‌وه‌ روانگه‌ی سه‌رۆکایه‌تیی هه‌رێم له‌ دوایین رووادوه‌کانی عێراق و ناوچه‌ له‌ زمانی سه‌رۆکی هه‌رێمه‌وه‌ ببیسن.

373.jpg


به‌ڕێز بێهروز له‌ میانه‌ی کۆبوونه‌وه‌که‌دا چاوی به‌ پاتریک کلاسن و دیوید پۆڵاک، کارناسانی به‌شی ئێران و رۆژهه‌ڵاتی ناڤینی ئه‌م په‌یمانگایه‌ و چه‌ندین لایه‌ن و که‌سایه‌تی دیکه‌ که‌وت و له‌سه‌ر دوایین رووداوه‌کانی ئێران و ناوچه‌ له‌گه‌ڵیان ئاڵوگۆڕی بیروڕای کرد.

374.jpg