کوردستان میدیا

هەینی 1ی پووشپەڕ 2718
ماڵپەڕی ناوەندیی حیزبی دێموکراتی کوردستانی ئێران

گیان له‌ده‌ست دانی ئه‌ندامێکی لاوی حدک ئێران له‌شاری شنۆ

16:09 - 26 خاکەلێوه 2712

کوردستان میدیا: ئه‌ندامێکی حیزبی دێمۆکراتی کوردستانی ئێران به‌هۆی رووداوێکی دڵته‌زێن له‌ته‌مه‌نی 24 ساڵیدا کوچی دوایی کرد.

به‌پێی هه‌واڵی گه‌یشتوو به‌ماڵپه‌ڕی کوردستان میدیا، کاتژمێر 5ی ئێواره‌ی رێکه‌وتی 24ی خاکه‌لێوه‌ی 1390ی هه‌تاوی، ئه‌ندامێکی حیزبی دێمۆکراتی کورستان به‌ناوی که‌ماڵ ئه‌حمه‌دی کوڕی که‌ریم خه‌ڵکی گوندی نه‌ڵیوانی سه‌ربه‌شاری شنۆ، به‌هۆی رووداوی هاتوچۆ له‌سه‌ر رێگای گوندی گورگاوێ، له‌ته‌مه‌نی 24 ساڵیدا گیانی له‌ده‌ست دا.

ته‌رمی ناوبراو له‌نێو ئاپۆرای خه‌ڵکدا له‌گۆڕستانی شه‌هیدانی شنۆ به‌خاک سپێردرا.

حیزبی دێمۆکراتی کوردستانی ئێران سه‌ره‌خۆشی خۆی ئاراسته‌ی بنه‌ماڵه‌ و که‌س‌ و کاری ناوبراو ده‌کات‌ و خۆی به‌شه‌ریک ‌و به‌شداری خه‌میان ده‌زانێت.
رۆحی شاد