کوردستان میدیا

سێشەممه 22ی خەزەڵوەر 2718
ماڵپەڕی ناوەندیی حیزبی دێموکراتی کوردستانی ئێران

یەکەمین کتێبی کوردی لە ئاستی کارناسیی باڵا لە زانکۆی سنە چاپ کرا

16:26 - 23 رەشەمه 2717

کوردستان میدیا: یەکەمین کتێبی وشەناسی بەشی زمان و وێژەی کوردی، لە ئاستی کارناسیی باڵا، لە زانکۆی کوردستان لە سنە چاپ کرا.

ئەو کتێبە یەکەم کتێبی فێرکاریی بەشی زمان و ئەدەبیی کوردی، لە ئاستی کارناسیی باڵای زانکۆی سنەیە، کە بۆ وانەی مۆرفۆلۆژیی زمانی کوردی (وشەناسیی زمانی کوردی) لە ئاستی کارناسیی باڵا و لەژێر چاودێریی توێژینگەی کوردستانناسیی زانکۆی سنەدا چاپ کراوە.

بڕیارە ئەو کتێبە ساڵی داهاتوو وەک سەرچاوەی سەرەکیی وانەی وشەناسی، یان مۆرفۆلۆژیی قۆناغی یەکەم بۆ ئاستی کارناسیی باڵا، لە لایەن بەشی زمان و ئەدەبیی کوردیی زانکۆی کوردستان، لە شاری سنەدا کەڵکی لێ وربگیرێت.